web counter
LEXO PA REKLAMA!

SHKARKO APP

App Store
Google Play

E fundit!

x

Balluku inspekton mirëmbajtjen estetike të akseve rrugore: Gjelbërimi, një nga elementët më të rëndësishëm

25 Tetor 2025, 15:45, Aktualitet CNA

Balluku inspekton mirëmbajtjen estetike të akseve rrugore:

Zëvendëskryeministrja dhe njëkohësisht ministrja e Infrastrukturës dhe Energjisë, Belinda Balluku, ka inspektuar ditën e sotme punimet për projektin e ri të ARRSH për Mirëmbajtjen Estetike të akseve rrugore.

Gjatë fjalës së saj, Balluku u shpreh se duke qenë se Shqipëria po kthehet në një pikë turistike për shumë turistë të huaj, ka ardhur koha që rrugët të mos jenë vetëm të sigurta, por edhe estetike.

Ministrja tha se kishte zgjedhur rrethrrotullimin e Rinasit për të nisur inspektimin, pasi sipas saj është pika hyrëse e të gjithë Shqipërisë për shkak se është vetëm pak metra larg aeroportit të Rinasit.

"Sot jemi duke inspektuar komplet një projekt të ri që ARRSH ka nisur. Duke pasur parasysh që ne kemi prej kohësh kontratat e mirëmbajtjes me performancë që i quajmë dhe bëhen të ndara sipas rajoneve për të mbajtur të gjitha ato akse rrugore të cilat mbarojnë kohën e garancisë. Por kemi vënë re që tashmë duke qenë se kilometrat e akseve kombëtare shtohen ka ardhur momenti për të pasur një element të rëndësishëm për qytetarët dhe vizitorët. Tashmë nuk është kushti për të pasur vetëm rrugë të sigurta, por edhe rrugë estetike. Për këtë arsye në vitin 2023, ARRSH ka shtuar në fushën e përgjegjësisë edhe mirëmbajtjen estetike të rrugëve.

Sot jemi në rrethrrotullimin e Rinasit, ku po bëhet një punë e mirë për gjelbërimin. Erdha këtu për të bërë këtë inspektim pasi këtu jemi në një pikë hyrje jo të Tiranës, por të Shqipërisë. Kjo është një pikë shumë e rëndësishme prezantimi dhe estetika luan një rol të veçantë. Dhe gjelbërimi është një nga elementët më të rëndësishëm", tha Balluku ndër të tjera. /CNA





Lajmet e fundit nga