web counter
LEXO PA REKLAMA!

SHKARKO APP

Belinda Balluku në Zvicër, takim me homologun: Po bashkëpunojmë për projektin hekurudhor Tiranë-Durrës

24 Tetor 2025, 16:11, Aktualitet CNA

Belinda Balluku në Zvicër, takim me homologun: Po

Zëvendëskryeministrja Belinda Balluku ndodhet në Zvicër ku do të zhvillojë një takim bilateral me Ministrin  Federal për Transportin, Energjinë dhe Mjedisin.

Balluku u shpreh se, po bëhen plane për një bashkëpunim të ngushtë me hekurudhën zvicerane në të ardhmen përsa i përket zhvillimit të transportit hekurudhor, duke nisur me projektin e parë, atë nga Tirana në Durrës.

“Shumë mirë do ishte që të bënim rrugëtimin me tren nga Zvicra në Shqipëri dhe do ta bëjmë në të ardhmen përmes korridoreve hekurudhore europiane ku Shqipëria do të bëhet pjesë, ashtu siç po bëhet dhe me autostradat, por sot jemi në një udhëtim me skuadrën e Ministrisë së Infrastrukturës dhe të Energjisë dhe atë të Hekurudhës Shqiptare për të bërë një takim bilateral me Ministrin Federal për Transportin, Energjinë dhe Mjedisin, këtu në Zvicër.

Po bëjmë një udhëtim nga Zyrihu në Bern duke provuar kështu edhe efikasitetin, efiçencën që hekurudha ka dhe duke bërë plane për një bashkëpunim të ngushtë edhe me hekurudhën zvicerane në të ardhmen përsa i përket zhvillimit të transportit hekurudhor, duke nisur me projektin e parë, atë nga Tirana në Durrës”, tha Balluku./ CNA





Lajmet e fundit nga