web counter
LEXO PA REKLAMA!

SHKARKO APP

App Store
Google Play

E fundit!

x

Balla i KLP-së duhet shkarkuar si i mangët nga trutë

29 Prill 2024, 21:46, Aktualitet CNA
Balla i KLP-së duhet shkarkuar si i mangët nga trutë
Alfred Balla, kreu i KLP-së

Nga seanca e mbledhjes se KPA-së, të zhvilluar për të shqyrtuar rastin e Ballës kryetar të KLP-së, raportohet për sjellje të çekuilibruara të këtij të fundit.

Kështu raportohet se pasi Balla i KLP-së, u njoh me parashtrimet e Komisionerit, ka nisur t'i komentojë ato sikur ishte në kafene.

Ai është shprehur ndër të tjera se tek parashtrimet e Ballhysës i kishte pëlqyer firma ‘e bukur' e këtij të fundit.

Megjithëse kryesuesja e trupit gjykues të Kolegjit, Ina Rama i kishte tërhequr Ballës vëmendjen që të mos parashtronte jashtë objektit të çështjes, kryetari i KLP-së ka vijuar me aludimet e tij kundrejt Komisionerit Ballhysa.

“Nuk e di nga e ka marrë frymëzimin Komisioneri Publik për ankimin, në çfarë tavoline”, është shprehur në një moment tjetër.

Pastaj ka tentuar të bëjë edhe gallatë me deklarime të tipit “mua (Ballën pra) e pa Zoti, shoqëria civile dhe Kuvendi që e zgjodhi”.

Pasi palët paraqitën parashtrimet dhe Kolegji u tërhoq në Dhomë Këshillimi për të vendosur lidhur me disa akte të paraqitura si prova nga Balla, ky i fundit ju drejtua edhe vëzhguesit ndërkombëtar, Theo Jacobs, teksa ky i fundit po shkonte për t'iu bashkangjitur trupës në vendimarrjen e ndërmjetme lidhur me aktet e dorëzuara.

"What's up (Ç'kemi)”, i tha Balla Jacobs në momentin kur ky i fundit po dilte nga salla e gjyqit.

Ndërsa vëzhguesi ndërkombëtar reagoi i habitur, Balla e pyeti se “përse nuk më flet mua?”.

Gjithashtu raportohet se i pyetur nga një prej të pranishmëve se përse i tërhoqi vëmendjen vëzhguesit ndërkombëtar me pyetje, Balla tha duke qeshur se në raste të tjera, Jacobs e kishte përshëndetur dhe për këtë arsye e pyeti se përse nuk po i fliste tani.

KPA duhet të kërkojë vlerësimin e shëndetit mendor të kryetarit të KLP-së, i cili fare pak javë më parë, për pak sa nuk u promovua si Ministër Drejtësie nga Lali Eri dhe jo vetëm./ CNA

 





Lajmet e fundit nga