web counter
LEXO PA REKLAMA!

SHKARKO APP

App Store
Google Play

Arrestimi i veteranit të UÇK-së/ Kosova kërkon angazhim ndërkombëtar

6 Shkurt 2026, 17:59, Aktualitet CNA

Arrestimi i veteranit të UÇK-së/ Kosova kërkon angazhim

Ministria e Punëve të Jashtme dhe Diasporës e Kosovës kërkon reagim të ndërkombëtarëve, pasi Serbia arrestoi një veteran të Ushtrisë Çlirimtare të Kosovës, nën pretendimet për krime kundër popullsisë civile. Mitehat Llozhani u arrestua hyri në Serbi nga pika kufitare e Batrovcit.

Zyra Ndërlidhëse e Kosovës i ka dorëzuar kërkesë zyrtare Zyrës Ndërlidhëse të Serbisë duke i kërkuar konfirmimin e arrestimit, sqarimin e arsyeve të ndalimit dhe informacione të tjera të rëndësishme për rastin.

Sipas Serbisë, ai dyshohet se ka kryer trajnime si pjesëtar i UÇK-së i Zonës Operative të Dukagjinit më 1998 dhe 1999 "pas së cilave ka marrë pjesë në sulme terroriste kundër anëtarëve të MPB-së serbe dhe ushtrisë jugosllave".

Në njoftim thuhet po ashtu se "si anëtar i grupit të komanduar nga Ramush Haradinaj, ai ka marrë pjesë në rrëmbim dhe masakrim të policëve".

Por, nga Organizata e Veteranëve të Luftës së Ushtrisë Çlirimtare të Kosovës thanë për Radion Evropa e Lirë se i arrestuari ka marrë pjesë në disa stërvitje në Shqipëri, por nuk ka informacione të ketë qenë në vijat e frontit në Kosovë.

Serbia ka arrestuar vazhdimisht shtetas të Kosovës nën pretendime për krime lufte në Kosovë më 1998-’99, dhe vetëm në vitin 2025 u regjistruan disa arrestime të tilla. /CNA





Lajmet e fundit nga