E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Miratohet amnistia penale/ Lamallari: 447 persona lirohen menjëherë nga burgu

6 Shkurt 2026, 15:47, Aktualitet CNA

Miratohet amnistia penale/ Lamallari: 447 persona lirohen menjëherë

Këshilli i Ministrave miratoi këtë të enjte projektligjin e Amnistisë Penale, një nismë që synon lehtësimin e mbipopullimit në burgje dhe dhënien e një shansi të dytë për persona të dënuar për vepra penale të lehta.

Sipas Ministrisë së Drejtësisë, Besfort Lamallari nga amnistia përfitojnë në total mijëra persona. 447 të dënuar lirohen menjëherë nga institucionet e vuajtjes së dënimit, ndërsa 853 të tjerë do të kenë ulje të masës së dënimit.

“Në mbledhjen e sotme të Qeverisë miratuam Amnistinë Penale, nismën që prezantuam rreth një muaj më parë dhe nga sot ky vendim depozitohet në Kuvend. Nga të dhënat më të fundit të rakorduara me Drejtorinë e Përgjithshme të Burgjeve, Shërbimin e Provës si dhe Prokurorinë e Përgjithshme, rezulton se plot 447 persona përfitojnë lirim të menjëhershëm dhe 853 të tjerë ulje dënimi, ndërkohë nga Shërbimi i Provës amnistohen 5077 të dënuar me masa alternative. Për më tepër, duke filluar nga viti 2024 pushohet ndjekja penale për plot 14 mijë procedime për vepra të lehta. Përveçse një akt i qartë human dhe një mundësi e dytë për rehabilitim dhe riintegrim, ky është një hap konkret që ul presionin e popullimit të burgjeve dhe për të fokusuar drejtësinë aty ku rreziku shoqëror është real. Nuk bëhet fjalë për tolerancë ndaj krimit, por për një qasje të matur që synon riintegimin dhe përdorimin më efikas të drejtësisë penale teksa ne po punojmë për të ulur përdorimin e panevojshëm të paraburgimit, në përputhje me shqetësimet e drejta të ngritura nga Këshilli i Evropës si dhe standardet evropiane”, shprehet ministri Lamallari.

Lamallari theksoi se përfituesit përfshijnë gra, të mitur dhe shtetas të huaj, ndërsa nga ky akt përjashtohen rastet që trajtohen nga Prokuroria dhe Gjykata e Posaçme kundër Korrupsionit dhe Krimit të Organizuar.

Projektligji do të depozitohet në Kuvend, ku fillimisht do të shqyrtohet në komisionet parlamentare përpara se të kalojë për votim në seancë plenare. /CNA