web counter
LEXO PA REKLAMA!

SHKARKO APP

App Store
Google Play

E fundit!

x

Kush fle në SPAK mbi dosjen e Elman Abules?

6 Shkurt 2026, 12:50, Aktualitet CNA

Kush fle në SPAK mbi dosjen e Elman Abules?

Elman Abule është një personazh jo pak i njohur për publikun, i shumakuzuar, i përfshirë në dosjen hetimore të kryebashkiakut të Tiranës, Erion Veliaj, udhëtues me këtë të fundit edhe në Japoni, i akuzuar për dhjetëra miliona euro të sekuestruara që vinin nga vendet e BE.

Elman Abule është biznesmeni me shtetësi belge, të cilit iu sekuestruan 50 milionë euro. Sipas prokurorisë, nga hetimi i kryer u siguruan prova të mjaftueshme që krijonin dyshimin e arsyeshëm se Elman Abule në bashkëpunim me shtetas të tjerë kanë konsumuar veprën penale “Pastrimi i produkteve të veprës penale ose veprimtarisë kriminale” e kryer në bashkëpunim.

Abule rezultoi i dënuar në Belgjikë, ku ka kryer edhe dënimin në kuadër të grupeve kriminale. Gjithashtu nga provat e administruara nga hetimi, ekziston dyshimi i arsyeshëm se Albule ka konsumuar edhe veprën penale të “Kontrabandës me mallra të licencuara”, parashikuar nga neni 173 i Kodit Penal.

Në kuadër të veprimtarisë së tij të paligjshme, Elman Abule ka themeluar një sërë shoqërish tregtare, me qëllimin të maskojë kryerjen e aktiviteteve të paligjshme nga ana e tij, me veprimtari të konsideruara si të ligjshme.

Nëpërmjet krijimit të një sërë kompanish, disa prej tyre nën administrimin edhe të shtetasve të tjerë, kanë krijuar një skemë të mirëfilltë të pastrimit të produkteve të veprës penale.

Burime për CNA thonë se, në SPAK ka pasur një hetim. Elman Abule, i cili njihet si miku i ngushtë i kryebashkiakut të arrestuar të Tiranës, është i përfshirë në dosjen “Veliaj”.

Ka pasur raportime publike dhe një hetim, por burime për CNA bëjnë me dije se, sot në SPAK ka një tjetër dosje mbi Elman Abulen dhe ky nuk është një sekret.

Pyetja është e thjeshtë: Kush fle mbi dosjen e Elman Abules, një nga bashkëpunëtorët e ngushtë të Erion Veliajt, miqësi aq e madhe sa i çoi deri në Japoni?

Cili prokuror me dashje apo pa dashje po vonon hetimet për Elman Abulen, një nga njerëzit kyç që lidhet me Erion Veliajn?

Është një tjetër çështje, jo ajo e kryebashkiakut të Tiranës, tjetër kjo e hetimit, faktet flasin vetë. Dikush në SPAK po fle mbi dosjen e Elman Abules./ CNA

 





Lajmet e fundit nga