web counter
LEXO PA REKLAMA!

SHKARKO APP

App Store
Google Play

“Ambasadorët amerikanë në Shqipëri”/ Gazetari publikon librin e ri

18 Korrik 2022, 16:27, Aktualitet CNA
“Ambasadorët amerikanë në Shqipëri”/ Gazetari
Gazetari Roland Qafoku

Gazetari Roland Qafoku sapo ka nxjerrë në treg librin e tij më të ri “Ambasadorët amerikanë në Shqipëri (1922-2022).

Në një postim në rrjetin social "Facebook", Qafoku shkruan se libri flet për 22 diplomatët amerikanë, të cilët kanë shërbyer në vendin tonë dhe kanë shënuar histori.

Qafoku shton se për ndërtimin e librit ka marrë të dhëna nga disa burime, ndërsa thotë se janë 1029 "footnote"-a si referencë për historinë e 22 diplomatëve.

Postimi i plotë i Qafokut:

Miq të dashur! Pas shumë vitesh punë, sapo doli nga botimi libri im AMBASADORËT AMERIKANË NË SHQIPËRI (1922-2022), botuar nga shtëpia botuese “ONUFRI”. Pas 10 ditësh, më 28 korrik, mbushen fiks 100 vjet nga vendosja e marrëdhënieve mes SHBA dhe Shqipërisë dhe unë jam shumë i gëzuar që këtë libër arrita ta nxjerr pikërisht pak ditë përpara këtij 100 vjetori. Janë 22 diplomatë amerikanë që përgjatë një shekulli duke qenë në detyrën si komisionerë, shefa misioni, ministra, ambasadorë, të dërguar të jashtëzakonshëm dhe të ngarkuar me punë në Tiranë, kanë shkruar historinë e këtyre marrëdhënieve. Janë historitë e secilit prej atyre se çfarë kanë bërë nga puna gjatë drejtimit të legatës apo ambasadës. Histori shtetërore dhe personale, detaje të jetës por edhe lidhja me Shqipërinë që duke u ndërthur bashkë përbëjnë edhe mozaikun e këtyre marrëdhënievce.

Të gjitha këto janë të mbështetura në arkivat amerikane të Departamentit të Shtetit, të Librarisë së Kongresit, të bibliotekave të disa universiteteve amerikane, të gazetave më të rëndësishme të kohës, Arkivit Qendror të Shtetit Shqiptar, Arkivit të Ministrisë së Jashtme, arkivit të disa institucioneve të tjera si dhe arkivit tim personal. Janë 1029 footnote-a si referencë në këtë libër, nga të cilat shumica janë burime që vijnë për herë të parë. Për secilin prej këtyre 22 diplomatëve mund të kisha shkruar një libër më vete, por unë i kam përmbledhur në një në formë dokumentare dhe narrative dhe shpresoj dhe uroj pikërisht kjo ti pëlqejë lexuesit.

Kam shumë falenderime për të bërë dhe në një dedikim të posaçëm i kam bërë në libër shpresoj për të gjithë. Por sot nuk mund të rri pa përmendur disa. Së pari, kam një falënderim për zonjën Suzana Adili që bëri të mundur botimin e librit. Një libër që unë ia kam dedikuar një njeriu special, por që fatkeqësisht nuk jeton më, mikut tim Ilir Adili. Iliri na shikon nga lart dhe jam i sigurtë që gëzohet siç gëzohej kur ishte mes nesh për librat. Falënderoj Shtëpinë Botuese “Onufri” që nuk e uli asnjëherë stekën e cilësisë së botimit dhe të redaktimit të librit, specifikisht botuesin dhe mikun e lashtë Bujar Hudhri. Falënderoj akademikun Artan Fuga për parathënien e shkruar në të cilën ka bërë shumë vlerësime, por përpara saj edhe vërejtje që më kanë shërbyer pa masë për librin. Kam një falënderim për të gjithë ata miq, studiues, kolegë, shqiptarë dhe të huaj që më kanë dhënë qoftë edhe një ndihmë të vogël dhe që besoj e kanë emrin në dedikimin tim në faqet e librit. Uroj që libri tju pëlqejë!/CNA.al

“Ambasadorët amerikanë në Shqipëri”/ Gazetari





Lajmet e fundit nga