web counter
LEXO PA REKLAMA!

SHKARKO APP

App Store
Google Play

E fundit!

x

43 km rrugë për 13 vite/ Berisha: Kostoja e segmentit Qukës-Pllocë është trefishuar

12 Gusht 2022, 12:24, Aktualitet CNA

43 km rrugë për 13 vite/ Berisha: Kostoja e segmentit

Kreu i PD-së, Sali Berisha, e ka nisur konferencën e përjavshme për media, me sulmet ndaj Qeverisë për infrastrukturën.

Berisha ka akuzuar kryeministrin Edi Rama për vjedhje duke iu refeuar ndërtimit të rrugës Qukës-Qafë Plloçë, që sipas tij ka kaluar çdo afat kohor në historinë e vendit.

“43 kilometra rrugë vazhdojnë prej 13 vitesh.

Punimet për këtë rrugë kanë filluar në vitin 2009. Rruga u prokurua për ndërtim me një tender ndërkombëtar me 73 milionë euro.

Me ardhjen në pushtet të Edi Ramës, me një akt absurd, ai vendosi të anulonte ndërtimin e rrugës, pasi traseja ishte shtrirë në 10-12 kilometra, pasi financimi ishte i garantuar nga bankat e huaja.

Por ai nuk realizoi dot këtë bllokim, pasi detyrimet e Shqipërisë nga anulimi i kontratave do ndëshkonin vendin. Rruga që duhej të përfundonte në vitin 2014, vazhdon edhe në vitin 2022 dhe nuk ka shanse të përfundojë as këtë vit”, ka thënë Berisha.

Me tej kreu i PD-së, është ndalur te kostoja e rrugës duke thënë se janë trefishuar shpenzimet.

“Çfarë ka ndodhur?

Nga 73 milionë që ishte fondi i prokuruar, gjer sot janë shpenzuar për ndërtimin e saj 225 milionë euro.

Një rrugë që kalon në një territor jo shumë të vështirë, të jemi realistë. Të pjerrët, por jo të vështirë. Pa vepra madhore arti, tunele apo ura të gjata apo akuadukte të gjata.

Është mbi trefishuar shpenzimi”, është shprehur Berisha./CNA.al





Lajmet e fundit nga