35 bllokime për kalimin e zjarrfikësve/ Ponari: Emergjencë ndërhyrja sepse rrezikohët jeta dhe prona

20 Korrik 2025, 14:21, Aktualitet CNA

35 bllokime për kalimin e zjarrfikësve/ Ponari: Emergjencë

Përveç periudhës së rrezikut nga zjarret gjatë verës, efektivët e zjarrfikësve përballen çdo ditë edhe me vështirësi serioze në qarkullimin rrugor brenda qytetit.
Parkimet e gabuara, bllokimi i rrugëve nga objekte të paligjshme, hekura dhe elementë të tjerë pengues hasen shpesh në rrugët dhe rrugicat e Shkodrës, duke rrezikuar ndjeshëm ndërhyrjen në kohë të forcave zjarrfikëse.
Drejtori i Zjarrfikësve të Shkodrës, Agim Ponari, në një prononcim për mediat, ka treguar për vështirësitë e përditshme me të cilat përballen efektivët në raste emergjencash.

35 bllokime për kalimin e zjarrfikësve/ Ponari: Emergjencë

"Përherë hasim në vështirësi për të shkuar në vendngjarje. Kjo vjen si pengesë e rrugës dhe parkimet e gabuara. Qytetari lën hapësirë per një veturë por nuk mendon mjetet tona që kanë tjetër madhësi. Vendosin elemente betoni e gjera të ndryshme. Dalja me kanxhella e bizneseve në rrugë të gjitha këto e vështirësojnë punën to ë në raste zjarri", thotë Ponari.

Bashkia Shkodër e kontaktuar bën me dije se ka ngritur një grup pune për evidentimin e të gjitha pikave problematike në pesë rajonet e qytetit, ku janë përllogaritur mbi 35 pika kritike që pengojnë ndërhyrjen e zjarrfikësve në rast zjarri. Sipas drejtorit Ponari, është e domosdoshme që këto pika të përfshihen në aksionin e lirimit të hapësirave publike, bazuar në planin e përbashkët të miratuar nga Bashkia dhe reparti zjarrëfikës

"Është shumë e domosdoshme ndërhyrja të paktën a ty ku është mundësia për të lëvizur.Duhen hequr sepse rrezikojnë pasurinë dhe jetën e qytetarëve.Në raste zjarri kur nuk mund të kalojë automjeti për të dhënë aksesin rrezikohët jeta dhe prona.

35 bllokime për kalimin e zjarrfikësve/ Ponari: Emergjencë

Fatmirësisht, deri më tani nuk janë regjistruar raste me pasoja fatale, por për zjarrfikësit, kjo është një nga ndërhyrjet më të nevojshme për zgjidhjen e një problematike që prej më shumë se 30 vitesh vazhdon të mbetet e pazgjidhur në Shkodër./CNA