web counter
LEXO PA REKLAMA!

SHKARKO APP

App Store
Google Play

3 të rinj marrin peng 23 emigrantë/ I dhunojnë dhe kërkojnë 10 mijë euro për t’i liruar

22 Shtator 2023, 16:11, Aktualitet CNA

3 të rinj marrin peng 23 emigrantë/ I dhunojnë dhe

Tre persona kanë rënë në prangat e policisë pasi akuzohen se transportuan kundrejt fitimit, 23 emigrantë të paligjshëm, të cilët i vodhën me dhunë dhe më pas i mbajtën në një banesë të braktisur, në fshatin Bregas, duke u hequr lirinë në këmbim të 10 000 eurove.

Falë operacionit policor të koduar "Midnight 21"  u arrestuan në flagrancë shtetasit:

-K. A., 38 vjeç, banues në fshatin Bregas, Maliq;

-A. L., 24 vjeç, banues në Vlorë;

-E. L., 23 vjeç, banues në Tiranë.

Shtetasit e mësipërm në bashkëpunim mes tyre kishin transportuar shtetasit e huaj me një automjet tip furgon dhe më pas i kishin fshehur ata te banesa e braktisur, ku nëpërmjet kërcënimit u kishin vjedhur celularët e tyre. Në këmbim të lirisë së tyre autorët u kishin kërkuar emigrantëve 10.000 euro.

Shtetasi A. L., sapo ka konstatuar se ishte në ndjekje nga Policia, ka tentuar të largohet me shpejtësi duke mos iu bindur urdhrit të punonjësve të Policisë për të ndaluar, por menjëherë është kapur dhe neutralizuar.

Gjithashtu shërbimet e Policisë kapën edhe shtetasin E. L., i cili po lëvizte me një automjet tip "Audi", gjatë kontrollit të të cilit u gjet një shkop metalik i ngjashëm me atë të policisë.

Në cilësinë e provës materiale u sekuestruan 3 automjete, 3 aparate celulare, 1 shkop metalik dhe sasi në lekë dhe euro.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ CNA





Lajmet e fundit nga