web counter
LEXO PA REKLAMA!

SHKARKO APP

App Store
Google Play

Përplasja me Bardhin/ Açka tregon arsyen e vërtetë pse u largua nga mbledhja

22 Shtator 2023, 16:03, Aktualitet CNA

Përplasja me Bardhin/ Açka tregon arsyen e vërtetë pse u

Deputetja e Partisë demokratike, Flutura Açka, ka folur lidhur me raportin e saj me deputetin Gazment Bardhi pas përplasjeve të fundit për pozicionin e kreut të grupit parlamentar të Partisë Demokratike.

Açka tha se është perceptuar sikur Bardhi është marrë si kreu i grupit parlamentar, por Felaj e tha që nuk ka tagrin për këtë.

Ajo tregoi se nga mbledhja e Konferencës së Kryetarëve u largua për të mos u bërë qesharakë para shqiptarëve.

“Vendosa që në mes të këtij ngërçi ligjor nuk është mirë as në sytë e socialistëve”, tha ajo.

“Kështu e keni perceptuar ju, sikur Bardhi është marrë si kreu i grupit parlamentar. Felaj e tha që nuk ka tagrin për këtë. Ende nuk ka një përgjigje definitive, besoj se do vijë shumë shpejt. Fakti që zvarritet kjo përgjigje, nuk i shërben kauzës sonë të përbashkët. Me Bardhin nuk kam asnjë përplasje, kjo është një çështje juridike. PD zyrtare e ka grupin e vet parlamentar dhe kreun e saj.

Grupin parlamentar e shoh si implementuesin e punëve të mëdha që duhet të bëjmë. Nuk kam ndërmend të merrem me luftën e brendshme. Për të mos u bërë qesharakë para shqiptarëve, vendosa që në mes të këtij ngërçi ligjor nuk është mirë as në sytë e socialistëve. Për të qenë e drejtë edhe me mikun tim ishte që të largohesha nga mbledhja”, u shpreh Açka./ CNA





Lajmet e fundit nga