web counter
LEXO PA REKLAMA!

SHKARKO APP

App Store
Google Play

“2500 euro për një shtesë”/ Zbardhen detaje, çfarë i “fundosi” katër zyrtarët e Bashkisë Dimal

14 Shkurt 2023, 19:49, Aktualitet CNA

“2500 euro për një shtesë”/ Zbardhen detaje,

Detaje të tjera kanë dalë në dritë në lidhje me dosjen që dërgoi në burg 4 zyrtarët e Bashkisë Dimal dhe dy punonjësit e një firme private.

Kjo çështje, ka nisur në nëntor të vitit 2020 nga kallëzimi i një qytetari me inicialet P.B.

Sipas Euronews Albania,  në kallëzim qytetari akuzon punonjësit e Bashkisë së Dimalit se i kanë dëmtuar biznesin e ngritur në një pronë publike të cilën ai e posedonte që prej fillimit të viteve ‘90 me justifikimin se do të ndërtohej lulishte, por sipas tij pas prishjes prona i është kaluar një qytetari tjetër.

Gjithashtu në kallëzim thuhet se në atë vend ka nisur të ndërtohet një tjetër objekt privat që nuk është lulishte ashtu siç ishte njoftuar.

Punimet për lulishte nga ana e Bashkisë nuk  kanë pasur si qëllim zgjerimin e hapësirave publike, por të favorizonin personin tjetër, me të cilin kallëzuesi pranon se ka pasur një konflikt pronësie. Pas gati 2 vitesh hetime për këtë çështje këtë të martë SPAK lëshoi 6 urdhër-arreste.

Nga hetimet e thelluara SPAK, përveç rastit të kallëzuar nga shtetasi P.B ka zbuluar edhe shumë episode të tjera të korrupsionit që kryenin zyrtarët e bashkisë Dimal. Referuar burimeve nga struktura antikorrupsion mësohet se këta shtetas akuzohen se në këmbim të shumave monetare që varionin deri në 2 mijë e 500 euro lejonin qytetarë të ndryshëm për të kryer ndërtime dhe shtesa kryesisht në zonën e Dimalit. 

Në pranga kanë përfunduar ish-shefi i transporteve në bashkinë e Dimalit, A. G, drejtor i Zyrës së Urbanistikës A. P, si dhe shefi i IKMT A. Ç. Po kështu, në pranga kanë përfunduar edhe inxhinieri i bashkisë A. D si dhe ekonomistët, V. K dhe V.J.

 





Lajmet e fundit nga