web counter
LEXO PA REKLAMA!

SHKARKO APP

App Store
Google Play

23-vjeçari ekzekutoi efektivin/ Paralajmëron Rrumbullaku

13 Maj 2024, 18:22, Aktualitet CNA
23-vjeçari ekzekutoi efektivin/ Paralajmëron Rrumbullaku
Kreu i Policisë së Shtetit Muhamet Rrumbullaku

Kreu i Policisë së Shtetit Muhamet Rrumbullaku ka reaguar për ngjarjen e ndodhur në Fier, ku ka mbetur i vrarë efektivi i policisë, N.C.

Rrumbullaku garantoi se Policia e Shtetit do të bëjë gjithçka që autori të dalë para ligjit.

Më tej Rrumbullaku paralajmëroi se kush guxon të cënojë jetën e policëve do marrë përgjigjen më të ashpër ligjore.

“Policia e Shtetit dhe unë personalisht ndjehemi thellësisht të tronditur nga vrasja e punonjësit të policisë Novruz Cenalia, mesditën e 13 Majit 2024. Ndarja e parakohshme nga jeta e një djali të ri si Novruz Cenalia na ka hidhëruar të gjithëve, familjen e tij, që është zhytur në lot e zi, dhe familjen e madhe të Policisë së Shtetit.

Për të gjithë ne, kjo dhimbje bëhet edhe më e hidhur kur jeta e një punonjësi të Policisë së Shtetit ndërpritet nga dora e një vrasësi, që ende është i lirë. Unë zotohem në emër të Policisë së Shtetit se, do të bëjmë gjithçka për ta vendosur para ligjit autorin e vrasjes së Novruz Cenalisë.

Shpreh bindjen se i gjithë opinioni publik ndodhet sot përkrah familjes Cenalia dhe Policisë së Shtetit dhe do të ndihmojë në kapjen e autorit të krimit.

E kam theksuar me forcë, edhe pak ditë më parë, gjatë ceremonive përkujtimore për të rënët e policisë, se uniforma e Policisë së Shtetit është e shenjtë. Kushdo që guxon të cenojë uniformën e policisë, shëndetin dhe jetën e punonjësve të saj, do të marrë përgjigjen më të ashpër ligjore”, thuhet në deklaratën për shtyp të kreut të Policisë së Shtetit./ CNA





Lajmet e fundit nga