E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Zyrtari i PE, “shuplakë” politikës/ Duhet trajtuar mungesa e pluralizmit, nuk ka ecuri pa një opozitë të vërtetë

24 Maj 2022, 12:21, Politikë CNA

Zyrtari i PE-së, në Tiranë. Shqipëria jo vetëm që duhet të trajtojë mungesën e pluralizmit politik, por edhe të lejojë lirinë e medias. Duhet të heqë ato mangësi zgjedhore që kanë mbetur. Nuk bëj komente publike për çfarë po ndodh në PD.

Kreu i Komitetit për Punën e Jashtme në Parlamentin Europian, David McAllister, bashkë me një grup eurodeputetësh po zhvillojnë një vizitë zyrtare në Tiranë.

Gjatë një konference për shtyp, McAllister i ka dhënë një ?shuplakë? të fortë politikës, ndërsa theksoi se duhet trajtuar mungesa e pluralizmit politik.

?U bëjmë thirrje palëve politike për t?u angazhuar për zgjidhjen e problemeve. Shqipëria jo vetëm që duhet të trajtojë mungesën e pluralizmit politik, por edhe të lejojë lirinë e medias. Duhet të heqë ato mangësi zgjedhore që kanë mbetur?, u shpreh zyrtari i lartë i BE-së.

Duke u ndalur te zhvillimet në PD, ai tha se “Unë jam këtu si kreu i delegacionit parlamentar, jo si përfaqësues i PPE dhe nuk është vendi për të diskutuar për zhvillimet në PD. Do të kemi një konferencë në Roterdam javën që vjen, atje do të kemi takime dhe do të diskutojmë dhe për zhvillimet në Shqipëri.

Ishte goxha përvojë ajo që patëm në vitin 2017 kur patëm nderin të ndihmonim në tejkalimin e disa diferencave politike. Kam simpati për Shqipërinë dhe shqiptarët. Sot jam si kreu i Komisionit Parlamentar të Çështjeve të Jashtme. Sot nuk kam mundësi të bëj komente publike për çfarë po ndodh në PD.

Të jeni të sigurt se në kapacitetin tim si anëtar i CDU-së, po i ndjekim të gjitha zhvillimet në PD nga afër dhe do të përpiqemi të japim mbështetjen tonë si PPE që të tejkalohen dallimet ose ndasitë”, tha ai.

I pyetur se a është i shqetësuar nga deklaratat e kryeministrit Rama në Bruksel që nëse s?do të marrim përgjigje pozitive, Shqipëria do të ndryshojë kurs, McAllister tha: ‘Ne jemi për momentin tërësisht të angazhuar për përmbushjen e planit A, përndryshe politikanët kanë dhe plane B e C, por s?dua të flasim publikisht për planet B e C. Për momentin duam të përmbushet plani A”.