web counter
LEXO PA REKLAMA!

SHKARKO APP

App Store
Google Play

Rama kalon me batuta çështjen e Butrintit/ Tabaku kërkon sqarime

23 Maj 2022, 17:02, Politikë CNA

Deputetja e Partisë Demokratike, Jorida Tabaku, u është përgjigjur deklaratave të kryeministrit Edi Rama në Kuvend për çështjen e Butrintit.

Tabaku tha se nga PD-ja nuk ka sulmuar Fondin Amerikan, ndërsa shtroi pyetjen se përse zonat e mbrojtura jepen për ndërtime strategjike.

Gjithashtu, ajo kërkoi të dijë se përse jepen vendime pas vendimesh për një ligj që është krijuar për të sjellë investime të huaja dhe në fakt nuk ka sjellë asnjë investim të huaj.

“Askush nga Partia Demokratike nuk ka sulmuar fondin amerikan, në Butrint sot, Rama foli për çdo gjë, por veçse për Butrintin jo, foli për gjithçka. E njëjta kompani që aplikoi në dhjetor të vitit 2020, dhe iu kthye përgjigje që është zonë e mbrojtur e se nuk mund t?i jepet për ndërtim strategjik. Më pas mendimi ndryshoi. Debati sot duhet të ishte se përse zonat e mbrotjura jepen për ndërtime strategjike. Duhet diskutuar edhe se përse dosja u mbajt sekrete, pse u krijua kjo paqartësi për qytetarët.

Nëse e dëgjuat, asnjë fjalë nuk u tha për Butrintin, u sulmua Opozita që e ka fajin për gjithçka në këtë vend. Ndoshta jam unë nga nostalgjiket e fundit në këtë vend, por më vjen keq që prishen. Sot në Parlament duhej diskutuar për këtë gjë. Pse jepen vendime pas vendimesh për një ligj që është krijuar për të sjellë investime të huaja dhe në fakt nuk ka sjellë asnjë investim të huaj. Që të eliminojmë çdo konfuzion të krijuar, sigurisht që nuk mbron dot aferat korruptive, do t?i dalin të gjitha, sepse nuk i intereson fare Fondacioni, por vetëm ajo leja për investimet strategjike”, theksoi Tabaku./ CNA.al





Lajmet e fundit nga