web counter
LEXO PA REKLAMA!

SHKARKO APP

App Store
Google Play

Harta e re gjyqësore/ Manja qetëson qytetarët: Nuk do të cenohet asnjë shërbim

24 Maj 2022, 11:55, Politikë CNA

Ministri i Drejtësisë: KLGJ kërkon të standardizojë dhënien e vendimit. Nuk do ketë asnjë cenim të shërbimeve në sekretaritë gjyqësore. Harta do të implementohet pjesë-pjesë.

Ministri i Drejtësisë, Ulsi Manja, gjatë fjalës së tij në mbledhjen e ?Këshillit Kombëtar për Integrimin Europian?, është ndalur te harta e re gjyqësore.

Ministri Manja theksoi se mbyllja e gjykatave të apelit në rrethe bëhet për të rritur efikasitetin.

?Për të rritur efikasitetin dhe eficiencën e gjykatave të apelit, duhet të kemi një gjykatë apeli. Kjo për faktin se në 2021-shin kanë qenë rreth 900 delegime.

KLGJ kërkon të standardizojë dhënien e vendimit në një kohë për të gjithë qytetarët?-tha Manja.

Më tej, ai sqaroi qytetarët se asnjë shërbim i sekretarisë gjyqësore nuk do të cenohet.

?Asnjë shërbim i sekretarisë gjyqësore nuk do të cenohet në vendin ku mbyllet gjykata.

Çdo shërbim, me përjashtim të vendimit, do të merret në godinat e gjykatave ekzistuese.

Harta do të implementohet pjesë-pjesë, fillimisht do të fillohet me gjykatat e apelit, më pas me ato të rretheve gjyqësore?-tha Ulsi Manja./CNA.al





Lajmet e fundit nga