web counter
LEXO PA REKLAMA!

SHKARKO APP

App Store
Google Play

E fundit!

x

Ibsen Elezi bën krahasimin/ Ku ndryshon fushata e tij nga ajo e Berishës

23 Maj 2022, 14:04, Politikë CNA

Kandidati për kryetar të PD-së në zgjedhjet e djeshme, Ibsen Elezi, ka analizuar fushatën e tij elektorale dhe atë të ish-kryeministrit Sali Berisha.

Teksa bëri një krahasim me fushatën e Berishës, Elezi tha se interesi i tij nuk ishte vota, por mënyra se si do të funksionojë Partia Demokratike. Ai deklaroi në emisionin ?Top Talk? se natyra e tij është konservatore, ndërsa pretendon se Berisha anon nga natyra e majtë e të bërit politikë.

?Interesi im nuk ishte drejtpërdrejt te vota. Qasja politike dhe koncepti ishte për mënyrën se si do të funksionojë PD-ja.

Unë nuk kam asnjë telefonatë ku kërkoj votë. Unë vetëm jam vetofruar se kam dashur të ndërtoj një garë demokratike.

Unë jam një kandidat që kam bërë një sfidë reale për idetë, pikëpamjet, për mënyrën e të bëri politikë. Unë jam natyrë konservatore, ndërsa zoti Berisha është natyrë tjetër. Anon nga natyra e majtë e të bërit politikë?, u shpreh Elezi.

Për sa u përket akuzave për manipulim votash, ai theksoi se: ?Gjatë gjithë fushatës, por edhe ditën e fundit u jam drejtuar komisionerëve dhe të gjitha degëve. Unë kam bërë disa premtime që duhet të jap shembuj, ndryshe besueshmëria personale dhe e partisë bie. Besoj që nuk duhet të ngutem dhe nuk duhet të qëndroj te kjo?./ CNA.al





Lajmet e fundit nga