web counter
LEXO PA REKLAMA!

SHKARKO APP

App Store
Google Play

'Popullsia, drejt plakjes'/ Këlliçi ngre alarmin: Po tkurret numri i banorëve

24 Maj 2022, 18:44, Politikë CNA

Deputeti i Partisë Demokratike, Belind Këlliçi, ka ngritur alarmin për të dhënat e publikuara nga INSTAT, lidhur me moshën mediane në popullsinë e Shqipërisë.

Këlliçi deklaron se numri i banorëve po tkurret, pasi sipas tij popullsia shqiptare po shkon drejt plakjes.

Me anë të një statusi në rrjetet sociale, ai thotë se vdekjet po kalojnë lindjet, teksa të rinjtë po largohen nga vendi.

?Të dhëna alarmante! Popullsia shqiptare plaket. Vdekjet kalojnë lindjet. Të rinjtë largohen.

Në vitin 2022, mosha mediane e grave shqiptare arriti 39.1 vjeç ndërsa mosha mediane e burrave arriti në 37.3 vjeç.

Përgjatë një viti mosha e mediane për të dy gjinitë u rrit afërsisht me 1 vit.

Mosha mediane për popullsinë gjithsej arriti në 38.2 vite në vitin 2022, ndërsa në 2021 shënonte 37.6 vite.

Në gjithë dekadën e fundit, popullsia e vendit u moshua me 5 vite.

Në vitet e në vijim mosha mediane e popullsisë pritet të shënojë rritje të shpejtë për shkak të rënies së numrit të lindjeve.

Popullsia e Shqipërisë më 1 janar 2022 pësoi rënie me 1.3% krahasuar me 1 janar 2021. Ky është viti i pestë radhazi me tkurrje të numrit të banorëve.

Gjatë vitit 2021, vendi ynë, për herë të parë, kishte më shumë vdekje se lindje dhe kjo është e trishtë.

Sipas projeksioneve të publikuara nga INSTAT, me këto ritme mosha mediane e popullsisë shqiptare do të arrijë në 42.1 vjeç në vitin 2031?, shkruan deputeti./ CNA.al





Lajmet e fundit nga