"Kokat" e krimit, lidhje me SPAK-un?/ Si e morën mesazhin për t’u larguar

21 Maj 2022, 10:24, Aktualitet CNA

SPAK-u trumbetoi javën që shkoi se ka shkatërruar grupe të mëdha kriminale.

Grupet kriminale që përfliten se kanë lidhje edhe me politikën.

Arben Kraja, kreu i SPAK-ut, doli para kamerave i presionuar, i nervozuar sikur kishte një kallash në kokë, foli me nxitim për suksesin më të madh të SPAK-ut.

Gjatë gjithë deklaratës gjuha e trupit e tradhtonte Arben Krajën, i cili e dinte mirë se nuk ishte sukses.

Nuk ishte sukses pasi “kokat” e krimit ishin në liri.

Nuk ishte sukses, pasi “kokat” e krimit e kishin marrë mesazhin nga SPAK-u apo BKH, s?ka rëndësi, pasi informacioni kishte dalë nga e njëjta godinë.

Nga godina e qeltë, që shihet si shpresë për drejtësinë, u njoftuan “krerët” e krimit, të merrnin masa e të fshiheshin.

Gazetarët e kronikës u njoftua se Nuredin Dumani, autori i disa krimeve makabre, ishte bërë bashkëpunëtor i drejtësisë.

Në të gjitha mediat u raportua se Nuredin Dumani ishte zbërthyer.

Në këtë mënyrë, SPAK-u ua dërgoi mesazhin e ?kokave” të krimit, të cilët i lanë në duar vetëm ?ushtarët?.

Pasi “kokat” e krimit morën masa për të shpëtuar, SPAK-u nxitoi të shpërndante një komunikatë për media, ku mohonte se Nuredin Dumani ishtë bërë bashkëpunëtor i drejtësisë.

?Duke marrë shkas nga publikimet në media të ndryshme të lajmit se shtetasi Nuredin Dumani ka marrë statusin e bashkëpunëtorit të drejtësisë, informojmë opinionin publik se se ky lajm nuk është i vërtetë.

Shtetasi Nuredin Dumani ka statusin procedurial të të pandehurit në kuadër të çështjes penale që ndodhet për gjykim në Gjykatën e Posaçme të Shkallës së Parë Për Korrupsionin dhe Krimin e Organizuar, ku po gjykohet së bashku me të pandehurit Talo Çela, Enver Diva, Besmir Xhixha, Klevis Alla, Altin Ndoci, etj.

Gjithashtu ky shtetas gëzon cilësinë edhe të personit ndaj të cilit zhvillohen hetime, lidhur me ngjarjen e datës 29.03.2022, ndodhur në Papër, Elbasan, ngjarje në të cilën ka mbetur i plagosur?, thuhej në komukinatën e SPAK-ut, dërguar mediave me datë 27 prill 2022.

Ky njoftim i SPAK-ut u hodh poshtë po nga SPAK-u me 19 maj 2022, ditën kur treumbetuan me të madhe arrestimet nga bota e krimit.

Atë ditë zyrtarisht u konfirmua se Nuredin Dumani , ishte bërë bashkëpunëtor i drejtësisë dhe pas deklaratave të tij, janë zbardhur shumë krime.

Por ndërkohë shefat që kishin urdhëruar krimet qindra-mijëra euro, nuk dihet se nga ç?resort e ndiqnin konferencën për shtyp të Arben Krajës dhe Gledis Nano dhe ngrinin dolli me dështimin e tyre apo edhe mund t’i falënderonin që i kishin shpëtuar.

Sikur të mos mjaftonin këto që ndodhën, dosja e qujatur ?Plumbi i artë?, u shpërnda në mënyrë marramendëse, tek të gjitha mediat.

Të ashtuquajturat sekrete hetimore, të cilat ishin ç?sekretuar me kohë, nuk pinë më ujë, derisa kokat e krimit kanë lidhje me godinën e qeltë, nga ku doli informacioni se Nuredin Dumani ishte bashkëpunëtor i Drejtësisë.

Derisa të shkëputet lidhja e kokave të krimit, me SPAK,BKH apo me Policinë, nuk do të ketë kurrë suksese, vetëm dështime dhe krime./CNA.al