web counter
LEXO PA REKLAMA!

SHKARKO APP

App Store
Google Play

Fundjavë tipike vere/ Rriten sërish temperaturat

20 Maj 2022, 12:13, Sociale CNA

 

Një fundjavë e kthjellët dhe e nxehtë. Temperaturta e ajrit gjatë fundjavës do të ngjiten deri në 32 gradë celsius. Zonat më të nxehta do të jenë kryesisht Tirana, Elbasani, Fieri dhe Berati.

Sipas meteorologes, Lajda Porja, pikërisht këto zona do të shënojnë edhe vlerat maksimale përgjatë kësaj fundjave. Megjithatë, edhe vija bregdetare do të jetë me mot të kthjellët ku temperaturat do të luhaten nga 26-29 gradë Celsius, kryesisht në Ksamil dhe Sarandë.

Moti do të jetë i kthjellët në të gjithë territorin shqiptar deri në orët e vona të pasdites ku do të ketë shfaqje të vranësirave të lehta. Vranësira të lehta dhe kalimtare përgjatë ultësirës perëndimore, ndërkohë në zonat malore kryesisht në ekstremin verior dhe verilindor të vendit do të ketë grumbullim të vranësirave duke sjellë edhe rrebeshe afatshkurtra shiu. Megjithatë, ato do të jenë në disa minuta dhe sërish do të ketë diell.

Për sa u përket vendeve të rajonit duke përjashtuar pak mëngjeset që do të jenë pak të freskëta pritet që moti të jetë i kthjellët me vranësira të lehta dhe kalimtare. Ndërkohë, në territorin e Kosovës priten temperatura nga 25-56 gradë dhe Maqedonia e Veriut deri në 29 gradë Celsius.

Parashikohet që kjo fundjavë të jetë tipike vere edhe pse ende jemi në pranverë./ CNA.al





Lajmet e fundit nga