LEXO PA REKLAMA!

SHKARKO APP

Luhatjet e motit/ Si parashikohen temperaturat në fundjavë

6 Maj 2022, 15:08, Sociale CNA
Luhatjet e motit/ Si parashikohen temperaturat në fundjavë

Fundjava që presim përpara pritet të jetë një tjetër fundjavë me mot relativisht të qëndrueshëm të ndikuar nga masa ajrore të lagështa me origjinë jugore.

Në këtë mënyrë për ditën e nesërme moti parashikohet me alternime kthjellimesh dhe vranësirash me këto të fundit hera-herës deri të dendura kryesisht në orët e mesditës dhe pasdites.

Sipas Shërbimit Meteorologjik, përgjatë vijës bregdetare, zonën e veriut dhe zonën e jugperëndimit do të ketë reshje shiu afatshkurtra me intensitet të ulët si dhe në formën e shtrëngatave.

Për ditën e Dielë moti parashikohet kryesisht i kthjellët por përsëri me shtim vranësirash mesatare dhe hera-herës të dendura nga orët e mesditës deri ato të pasdites.

Vranësirat do të shoqërohen me reshje shiu të dobëta dhe lokale. Në relievet malore të vendit pritet që reshjet të jenë në formën e shtrëngatave apo stuhive por në periudha afatshkurtra./ CNA.al

Lajmet e fundit nga