web counter
LEXO PA REKLAMA!

SHKARKO APP

App Store
Google Play

“Çmenduria” e spitaleve në reklama/ Vetëm në Shqipëri bëjnë "turizëm" në televizione

16 Mars 2022, 13:36, Aktualitet CNA

Nga mëngjesi deri në darkë, në televizione, shohim pafund reklama për spitale të ndryshme apo klinika shëndetësore private qe operojnë në vendin tonë.

Ata i reklamojnë ambientet e spitaleve si të ishin vende turistike.

Në të shumtën e rasteve, në reklamat e spitaleve ofrohen shërbime falas, por ndodh që qytetarët pas vizitës së tyre ?falas?, paguajnë një ?mal me para?.

Reklamat në televizione janë kthyer në një garë mes spitalesh të ndryshme, ku secili “vrapon” të vërë në dukje shërbimet që ofron, por edhe ambientet që i rrethojnë.

Por e gjitha kjo ka një kosto. Spotet publicitare për spitalet kanë një kosto të ?çmendur?, duke filluar nga reklama, imazhi dhe transmetimi në televizione.

Shpenzohen me qindra milionë euro për reklamën, për personazhin që prezanton apo reklamon spitalin, duke mos lënë pa përmendur edhe transmetimin në televizione.

Nuk duam të ndërhyjmë tek cilësia e shërbimeve që ofrojnë, por spitalet me reklama apo jo, private apo jo, janë konceptuar për t’ju shërbyer pacientëve dhe shëndetit të tyre, dhe nuk janë hotele me pesë yje që reklamohen dhe kërkojnë klientë.

Një gjë e tillë nuk ndodh në vende të tjera të botës, ku vërtet ka një bllok reklamash, dhe jo si në Shqipëri, ku me anë të reklamave bëhet “thirrje” për të shkuar në spital.

Mesa duket Shqipëria është i vetmi vend në botë kur spitalet garojnë në ekranet televizive, ditë e natë që me reklamat e tyre  të fitojnë vëmendjen e qytetarëve një vëmendje kjo që përkthet me mijëra euro, pasi shërbimet shëndetësore që ata ofrojnë janë tejet të kushtueshme/A.E-CNA.al





Lajmet e fundit nga