Dëshmia e Veliajt për inceneratorët/ Këlliçi: SPAK duhet të kishte hyrë në sallë t'i vendoste prangat

22 Shkurt 2022, 19:59, Aktualitet CNA

Deputeti Belind Këlliçi, anëtar i Komisionit Hetimor për Inceneratorët, ka kryqëzuar? sot me fakte kryebashkiakun Erion Veliaj gjatë dëshmisë së tij për aferën e inceneratorëve.

Këlliçi tha se vitin 2016, Erion Veliaj promovoi ardhjen e një kompanie prestigjoze hollandeze për inceneratorët, ku hollandezi rezultoi të ishte Klodian Zoto, sot i shpallur në kërkim.

Në datë 31 gusht 2017, shteti ynë hyri në marrëdhënie financiare me koncensionarin, por marrëveshja ishtë mbyllur që në Mars 2017, në tavolinë.

Erion Veliaj firmosi si kryetar i Bashkisë Tiranë, pa një vendim detyrues të Këshillit Bashkiak, duke angazhuar financiarisht për 30 vite Bashkinë Tiranë dhe Qeverinë.

Shkurt, Erion Veliaj firmosi një detyrim financiar 91 milionë euro, për 30 vite pa pyetur askënd, keshtu Kshillit Bashkiak Tiranë iu mohua vendimmarrja dhe Ligji ?Për vetqeverisjen vendore? u shkel me të dyja këmbët.

Deklarata e plotë

Më datë 31 gusht 2017, pra një muaj para kësaj VKB shteti ka hyrë në marrëdhënie financiare me koncesionarin, është firmosur kontrata pa u pyetur Këshilli Bashkiak. E keni bërë fakt që në mars dhe kjo po e them edhe njëherë, ky OK i juaj inocent në parim, i ka kushtuar shtetit 230 mln euro dhe taksapaguesve të Tiranës 91 mln euro

Ju keni vendosur fatin e koncesionarit, i keni bërë gjërat që në mars kur keni vendosur vetë, pa këshilltarë. Pastaj në gusht keni detyruar antarët e KVO së bashkisë Tiranë të firmosin pa përkuar miratimin e Këshillit Bashkiak.

Në 31 gusht 2017 kompania e Kolodian Zotos të cilët ju në 2016 keni thënë në deklaratë publike që do të vijë një kompani më eksperiencë holandeze për të investuar në zonën e landfillit të Sharrës, për të marrë në punë banorët e Kombinatit e tjere, që ishte një kompani prestigjoze që rezultoi të jetë Klodian Zoto në këtë rast si një holandez. Ju keni futur të gjithë shtetin në këtë angazhim financiar për 30 vite pa pyetur as këshill bashkiak, askënd.

Tani zoti Veliaj, ajo që qytetarët sot kanë kuptuar është fakti që të gjithë këtë procedurë 128 mln euro kontratën që ju keni firmosur më datë 31 gusht me inceneratorin e Tiranës, të gjithën këtë ju e keni zgjidhur në tavolinë paraprakisht.

Nëse këtu deri tani, kolegët socialist ju ktheheshin dje ish ministrit të Financave, Shkëlqim Cani, të vetmit që ka bërë rezistencë që u largua për shkak se nuk firmosi, ju ktheheni i thoni se ty të kanë akuzuar për organizatë kriminale, e vetmja organizatë kriminale jeni ju.

Bashkë me Alqi Bllakon, bashkë me Leftet Kokën, bashke me Arben Ahmetajn keni bërë para se të firmosnit procedurat, dhe para se ta ndani me njëri tjetrin keni hyrë të bëni letrat, keni qenë jasht afateve dhe i keni bërë shkel e shko.

Nëse ka me të vërtetë SPAK në këtë vend, nëse ka Prokurori të pavarur, nëse ka organ hetimor të pavarur, uroj që ta kenë ndjekur këtë seancë dhe të kenë parë të gjithë këto dokumente dhe materiale që janë vënë në dispozicion edhe të këtij komisioni hetimor dhe besoj se do të ketë indicie të reja për cështjen.

Ju jeni të lirë të jepni të gjithë interpretimet e juaja për lulishte për paqe për cfarë të doni,, por nuk e mohoni dot që kjo është një aferë korruptive skandaloze, ku ju jeni i përfshirë, ku Edi Rama është i përfshirë, ku Arben Ahmetaj është i përfshirë, ku Leftet Koka është i përfshirë dhe ku AlqiBllako është i përfshirë.”, tha ai.

Sipas Këlliçit, pas përfundimit të dëshmisë së Veliajt, sot SPAK duhet të kishte hyrë në sallë dhe ti vendoste menjëherë prangat!/E.T-CNA.al