web counter
LEXO PA REKLAMA!

SHKARKO APP

App Store
Google Play

E fundit!

x

Gjykata në futboll…

22 Shkurt 2022, 14:26, Aktualitet CNA

Ditët e fundit gjykatat shqiptare e kanë marë me shumë ?zell? futbollin. Mblidhen thuajse përditë dhe japin një vendim mase sigurie, bllokimi, ose gjithçka që duhet të anullojnë Asamblenë e Përgjithshme të zakonshme të FSHF-së që është planifikuar në 2 mars. Natyrisht, të gjitha vendimet janë si masë sigurie, sepse ende nuk ka asnjë vendim gjykate që të ketë shpallur dikë fajtor, apo të ketë marë formë përfundimtare, por nuk është ky problemi?

Eshtë e dukshme se gjykata po hyn në një fushë që nuk i takon dhe këtë nuk e bën nga qejfi, por e detyruar nga politika që e ka paralajmëruar ditë më parë këtë ?sulm?, madje edhe mënyrën se si duhej kryer. Por, për një publik që nuk është shumë i interesuar për këtë çështje, duhet sqaruar mirë se sa mund të ndërhyjë drejtësia civile në sport.

Futbolli dhe çdo sport, vetëregullohet me ligjet dhe regulloret e veta. Një lojë sportive ka fair play, ka fitues ka humbës, ka arbitër, ka komisione, ka dhoma të zgjidhjes së konflikteve, ka arbitrazh sportiv, por kurrë një gjykatë civile në mes, sepse do kthehej në një preçedent shumë të rrezikshëm. UEFA dhe FIFA janë shumë të ndjeshme në raste të tilla, madje reagojnë me forcë kur ka tentative të tilla (siç priten të bëjnë shumë shpejt edhe në rastin tonë).

Çfarë mund të ndodh nëse një futbollist që ndëshkohet me kartonin e kuq, hap një çështje civile në gjykatë për arbitrin? Dhe më keq akoma, çfarë ndodh nëse gjykatësi i jep të drejtë?  Po nëse një skuadër që bie nga kategoria hap një gjyq civil duke pretenduar se e ka buxhetin për të qëndruar në kategori? Nëse gjykata i pranon masën e sigurimit (si në rastin konkret me FSHF-në), atëherë i bie që kampionati të presë sa të nis gjyqi? Sa të hidhet shorti, të caktohet gjyqtari, etj, etj?

Prandaj duhet ndalur ky ?vrulli? i gjyqtarëve sa nuk është vonë? Gjyqtarët e prokurorët mund të kenë lidhje me sportin vetëm si tifozë, ose vetëm kur iu duhen ?skedinat fituese? në komisionin e ?vetting?-ut. Patjetër janë të lutur, të ndërhyjnë nëse ka një kundërvajtje penale, nëse ka trukime në futboll, nëse ka akte dhune, madje aty do ndihmonin shumë që mos të ndërhyjë sërish UEFA të na dënojë me dekada, meqë në vendin tonë nuk funksionon sistemi i drejtësisë./CNA.al    





Lajmet e fundit nga