Zgjedhjet e pjesshme lokale/ Duka: Jam takuar me Berishën, nga Basha asnjë ftesë

20 Janar 2022, 15:47, Politikë CNA
Zgjedhjet e pjesshme lokale/ Duka: Jam takuar me Berishën, nga Basha

Kryetari i Partisë Agrare Ambientaliste, Agron Duka ka folur për situatën në Partinë Demokratike, ku tha se në zgjedhjet e 6 marsit do të mbështesë kandidatin më të mirë, pavarësisht nëse ai propozohet nga Berisha apo nga Basha.

Duka thekson se çarja e Partia Demokratike, ul mundësitë që opozita të fitojë në 6 bashkitë ku do te mbahen zgjedhjet, por kur bashkimi duket i pamundur, partia që ai drejton do të zgjedhë kandidatin.

?Unë mendoj që bërja palë më një grup apo me grupin tjetër ndihmon përçarjen. Kështu që ne kemi vendosur të mbështesim një kandidaturë që na duket më e pershtatshme për një bashki të caktuar, që mund të jetë e një grupi apo e grupit tjetër.”

Duka pranon se prej muajsh nuk ka asnjë ftesë nga Basha dhe as nuk pritet një ftesë në ditët në vijim; duke qartësuar se i vetmi që i ka kërkuar bashkëpunim ka qenë Sali Berisha

?Me zotin Basha nuk jemi takuar, nuk kemi asnjë lloj ftese. Gjasat janë që nuk do të ketë takim sepse për një javë fillojnë procedurat. Ndërsa nga zoti Berisha kemi pasur sinjale, unë personalisht jam takuar me z. Berisha, nuk kam konkluduar për asnjë lloj vendimi.?/CNA.al

Lajmet e fundit nga