E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Shkarkimi i Metës nga Kuvendi/ ISP ngre shqetësimin: Deputetët që kanë firmosur nuk kanë më mandat

20 Janar 2022, 14:56, Politikë CNA

Gjykata Kushtetuese do të duhet të marrë një vendim lidhur me vendimin e Kuvendit për shkarkimin e Presidentit të Republikës. Ky është rasti i parë prej viteve ?20 kur kryetari i shtetit shkarkohet dhe kalon në gjykim vendimmarrës. Më 2019 Kuvendi vendosi të hetojë Presidentin për një akt konkret, dekretin për anullimin e zgjedhjeve dhe në fund, vendosi vetëm ta këshillojë atë. Më 2022 do të duhet të gjykohet jo për akt konkret (dekret apo akt tjetër zyrtar), por për deklarime dhe intrepretime në ushtrimin e kompetencave.

Natyrisht është e qartë për këdo që Presidenti ka vepruar qartësisht jashtë kornizës presidenciale dhe ndryshe nga shumë presidentë të tjerë, ai ka pasur një qasje jo institucionale ndaj institucionit më të lartë të hirearkinë shtetërore. Por ky është intepretim dhe një vlerësim që vlen për të kuptuar se kur zgjedhim një President, duhet të ketë disa garanci minimale se së paku do të sillet me respekt ndaj institucionit, simbolikës dhe përgjegjësive kushtetuese të tij.

I njëjti vlerësim kritik është dhënë / pranuar edhe për rolin e qeverisë në zgjedhje, edhe per vetë rolin e Kuvendit, opozitës dhe disa institucioneve të tjera në procesin zgjedhor! Në aspektin juridik & penal Presidenti nuk ka bërë asnjë shkelje të dukshme, ndaj vështirë të gjendet ndonjë gjyqtar (jo me ndikim politik) që të identifikojë një shkelje të rëndë të Kushtetutës prej tij.

Gjithsesi ky shënim ka një qëllim tjetër, jo thjesht çështjen e mandatit të Presidentit, ndërkohë që në mars nisin procedurat për zgjedhjen e Presidentit të ri. Ky shënim ka lidhje me Kuvendin dhe një problem thelbësor në përfaqësimin/vendimmarrjen e tij.

Kuvendi ka vendosur që çdo nismë ligjore e deputetëve që nuk janë rizgjedhur më 2021 të anulohet, pra të hiqet nga axhenda parlamentare. Shkaku? Në legjislaturën e re kemi kushte të reja politikë dhe ish deputetët nuk janë më subjekte të nismave ligjore, pavarësisht se nismat e tyre kanë qenë të depozituara kur ata ishin deputetë, pra kur e kishin këtë të drejtë kushtetuese. Kurse në rastin e shkarkimit të Presidentit, rezulton se Kuvendi do të mbrojë në Gjykatën Kushtetuese vendimin e shkarkimit të Presidentit të iniciuar nga 9 deputetë, 8 prej të cilëve nuk janë më deputetë! Po ashtu vendimi në seancë është marrë nga së paku 70 deputetë që nuk janë më deputetë!

A ka bazë legjitimiteti një akt i ndërmarrë nga një trupë zgjedhore që nuk ekziston më? A duhej që një parlament në detyrë (pas zgjedhjeve të 25 prillit) të marrë vendime të tilla unike në historinë parlamentare? Po sikur Presidenti të kërkojë të thërrasë në seancën në GJK deputetët e komisionit hetimor si palë në procedurë/proces, mbi cilën cilësi do të mund të paraqet ata? A kemi të bëjmë me standarde të dyfishta nga Kuvendi apo me mungesë të qartë të rregullave dhe të procedurave?

Në çdo rast, më shumë se një përgjigje bardh e zi apo më shumë se një vendim post factum pro e kundër, çështja meriton të jetë një mësim/leksion demokracie për Presidentin dhe Kuvendin, për qeverinë dhe mazhorancën, opozitën, për partitë dhe Gjykatën Kushtetuese, që të mësohen që konfliktet institucionale t?i zgjidhin në kohë, me maturi e legjitimitet të plotë, mbi kritere profesionale dhe kushtetuese, – standarde që nuk janë respektuar (ende) nga asnjëra palë në konflikt/proces vlerësimi./CNA.al