web counter
LEXO PA REKLAMA!

SHKARKO APP

App Store
Google Play

E fundit!

x

Yuri Kim vendos në pikëpyetje vettingun/ ‘Kriteret të aplikohen në mënyrë racionale’

19 Janar 2022, 20:09, Aktualitet CNA

Ambasadorja Yuri Kim, mes të tjerave është ndalur të komentojë edhe vettingun në drejtësi.

E ftuar në ?Now?, me Erla Mëhillin, Kim u pyet nëse Operacioni Ndërkombëtar i Monitorimit, i ka vërejtur problematikat, pasi shpesh ka patur akuza se organet e vetingut kanë funksionuar me disa standarde, që ka qenë selektiv, i politizuar, madje është përfolur për korrupsion me shifra të larta.

?Ka një bord ndërkombëtar ekspertësh që mbikqyrin procesin, ose siç sugjeron emri e monitorojnë procesin dhe vlerësojnë gjithë kohën. Jemi në një pikë në proces ku duhet të shohim mire e mirë, më nga afër se më parë, për të siguruar që, siç vini në dukje ju, që vendimet të jenë konseguente, që kriteret të aplikohen në mënyrë të drejtë dhe racionale, dhe që rezultatet të jenë të shpjegueshme. Mendoj se ky është një nga projektet e mëdha që duhen ndërmarrë në 2022.

ONM, ekspertët, së bashku me institucionet shqiptare duhet të shohin faktet, të shohin të dhënat, të shohin çështjet, të shohin argumentet dhe racionalen pas vendimeve, dhe të nxjerrin disa përfundime. Nuk mendoj se është e dobishme domosdoshmërisht të dëgjosh debatin partiak sepse siç jua thashë, mendoj ka njerëz që kërkojnë mënyra për ta ndaluar zbatimin e reformës në drejtësi. mendoj se shumë njerëz ndihen shumë rehat dhe mendoj që do donin ta kthenin kohën pas që të jetë siç ka qenë, ku ka pandëshkueshmëri, nuk ka llogaridhënie. Merr ryshfet, s?të ndodh gjë. Nënshkruan kontrata, s?të ndodh gjë. Jep prokurime tek miqtë, s?të ndodh gjë. Kjo do të ndryshojë së shpejti. Po ndryshon?, tha ajo./CNA.al





Lajmet e fundit nga