web counter
LEXO PA REKLAMA!

SHKARKO APP

App Store
Google Play

E fundit!

x

"Referendumi" i Ramës synon falsifikimin e vendimeve të popullit

24 Dhjetor 2021, 16:37, Politikë CNA

E dëgjuat Kryeministrin?

Do bëjë Referendum tha! Shumë referendume!

Njeriun që sot doli dhe kërcënoi një gjyqtare sepse vendimi i saj ju bë pengesë për grabitjen dhe tjetërsimin e një territori të paçmuar në hyrje të parkut të Tiranës, e dëgjuat?

Në ditën kur SPAK po “gërmon” hajdutin e të dhënave të të gjithë shqiptarëve, Rama del dhe i jep urdhër SPAK-ut që të lërë atë hetim ose të stopojë atje ku ka arritur me gërminet e veta dhe të kalojë KRYESISHT në hetimin për vendimmarrjen e ndërmjetme të një gjyqtareje.

Autorët dhe mbrojtësit e jashtëm të palodrejtësisë heshtën, sepse kjo nuk ju duk ndërhyrje në një pushtet tjetër!

Pastaj populisti Rama shpalli idenë e tij për një gjasme referendum që do bëjë mes shqiptarëve, me të cilin do thithë vullnetin e shqiptarëve. Këto “referendumet” do bëhen për çështje që i cakton vetëm ai, i di vetëm ai, i përzgjedh vetëm ai, i formulon vetëm ai dhe sigurisht në fund i vendos po ai pasi të ketë zbardhur ca vendime në emër të popullit siç i di ai e siç i duhen atij.

Do pyesë shqiptarët për shembull se si duhen ndihmuar nënat me shumë fëmijë! Dmth do ju shpërndajë formularë me pyetjen dhe shqiptarët do harrojnë facebooqet e do sulen të zografisin përgjigjet referendare.

Këto përgjigje do i “mbledhi” Rama, do i “lexojë” vetë ai e pastaj do ju lexojë të gjithëve atë që i do…koka atij.  Këtë e quan referendum!

Referendum ku ai vetë bën pyetjen që do, dhe vetë lexon atë që ai do që të rezultojë nga referendumi.

Nëse Rama do Referendum atëherë duhet të bëjë Referendum. Dhe fjala Referendum në gojë të një shtetari nuk është letërsi. Është koncept juridik që parashikon e përfshin procedura, rregulla, afate dhe instucione që organizojnë votimin në një referendum.

Ky paloreferendumi i Ramës ose është populizëm i neveritshëm që kërkon të fshehë paaftësinë e një qeverisjeje të tërë zyrash të mbushura me BoraMuzhaqe, ose është stili i ri që ka zgjedhur Rama për tu fshehur pas popullit për ca Vendimmarrje të cilave nuk ju po ju fshihka dot, por që nuk po u dilka dot për Zot.

Nëse Rama nuk ka njerëz që ti hartojnë politika për mbështetjen e nënave me shumë fëmijë, duhet të dorëzojë çelësat e qeverisjes. Jo tek Ahmetaj, por tek populli, i cili duhet të rivotojë ata që do të jenë në gjendje të shkruajnë politikat për nënat me shumë fëmijë.

Nëse Rama do referendum për legalizimin e kanabisit, atëherë duhet të nisë procedurat ligjore për të hapur Referendumin. Por nuk mund të fshihet pas popullit me gjasme rezultate të paloreferendumit që hodhi sot në treg.

Në ditët në vijim me siguri do dëgjojmë më shumë kërkesa të Ramës drejtuar turmës popull. Me siguri do na shfaqen edhe halle të tjera që Rama po kërkon ti zgjidhë duke na shitur vendimin e tij, si përgjigje formularësh nga populli, që ai e shikon si turmë idiote e që sipas tij do ndihet me siguri i kënaqur që babai i kombit po u merr një mendje.

Nëse Rama do referendum për legalizimin e kanabisit, atëherë duhet të nisë procedurat për zhvillimin e Referendumit.

Jo me formularë!

Por me votim të drejtpërdrejtë, në të cilin çdo shqiptar që do të votojë mund të përgjigjet me “po” ose “jo”.

Kjo është mënyra e vetme! Jo formulari i populizmit të pështirë që synon të falsifikojë një vendimmarrje të vetën duke vënë në fund të vendimit firmën e falsifikuar të popullit./CNA.al





Lajmet e fundit nga