E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Listë pagesat/ Gruaja e Sekretarit të Ramës me pagë 10 mijë dollarë në muaj

23 Dhjetor 2021, 10:20, Politikë CNA

Prej gati dy ditësh në media qarkullon listëpagesa e mbi 600 mijë shqiptarëve. Një skandal ky që mori përmasa mediatike dhe në Ballkan e Europë. Një akt kriminal, ku qytetarëve u janë grabitur të dhënat, karta e identitetit, listë pagesa, e shumë detaje të tjera të cilat janë bërë publike nëpërmjet një dokumenti file, Exel.

Dje në media janë publikuar emrat e shumë gazetarëve, apo njerëzve të show bizz-it, krejtësisht privat që paguhen. Por mesa duket përtej lajmit të madh që bëjnë rrogat e fryra të njerëzve të show bizz-it, apo gazetarëve që bëjnë show dhe drejtojnë emisione politike apo shërbejnë si analistë për influencat e qeverisë apo pushtetit, ajo që bie në sy është dhe një detaj tjetër.

Ky është një detaj që tregon se cila është jo vetëm pushteti që ushtrohet nga qeveria dhe zyrtarët e saj, por dhe përtej në institucionet ku janë shtrirë tentakulat dhe kontrolli.

Sot po sjellim një rast.

Mjafton të shikosh bashkëshorten e Sekretarit të Përgjithshëm të Kryeministrisë, Engjëll Agaçit. Një emër i cili në një fake news, dy ditë më parë u duk sikur kishte dhënë dorëheqjen.

Por, prej kohësh emri i tij mediatikisht ka rënë në heshtje.

Agaçi është një person i shumë akuzuar, kryesisht nga ish-kryeministri Sali Berisha.

Njeriu i cili shihet si përgjegjësi për firmosjen brenda një dite të disa dhjetëra dokumentave, në lidhje me aferën e inceneratorëve.

Më tej, duket se emri i Agaçit duket se nuk është përmendur. Ka pasur një heshtje të çuditshme nga Lulzim Basha dhe të afërm të tij.

Sot, CNA.al po sjell një detaj. Ne nuk po publikojmë listën, për të mos cënuar të dhënat private, por po sjellim një fakt. Bashkëshortja e tij Monika Agaçi, e cila punon në një bankë të nivelit të dytë rezulton se paguhet si asistente ekzekutive me një pagë prej të paktën 10 mijë dollarë.

Rroga është gati 5 herë më e lartë se e Kryeministrit dhe e bashkëshortit të saj.

Ndërkohë sipas deklarimeve të bashkëshortes dhe Agaçit, ajo në vitin 2016 paguhej 15 mijë dollarë në vit.

Pra, një asistente ekzekutive që merr 10 mijë dollarë në muaj sot.

Është për shkak se kjo është profesioniste dhe e mirëshkolluar, e shumënevojshme për bankën apo për shkak të pozicionit të bashkëshortit, ne nuk mund të aludojmë. Por, fakti është që paga e Monika Agaçit në një bankë të nivelit të dytë është nga më të lartat e atyre që punojnë në nivelet bankare. Nuk po flasim këtu për drejtorët apo personat e tjerë të niveleve kyçe operacionale.

Rasti i Agaçit na tregon shumë mirë sesi nga një avokat në Itali, mund të vish në Shqipëri dhe vetë të jesh në krah të njëshit të Qeverisë dhe i përfolur në skandale dhe afera pa fund, dhe bashkëshortja të jetë në një punë, pagë për të cilën në Itali ndoshta nuk mund ta merrte. Pasi i thonë gati 8 mijë euro rrogë në muaj, neto për bashkëshorten e Engjëll Agaçit.

Të dhënat ne nuk po i publikojmë për të ruajtur privatësinë, por shumica e njerëzve e kanë aksesin e plotë, pasi lista e të dhënave është bërë virale dhe e gjen në çdo celular. Dhe mund të verifikohet lehtësisht sesi bashkëshortja e Sekretarit të Përgjithshëm të Edi Ramës, sot paguhet me 10 mijë dollarë në muaj nga një bankë e nivelit të dytë./CNA.al