web counter
LEXO PA REKLAMA!

SHKARKO APP

App Store
Google Play

“Është bërë dëm jo pak i vogël për Kosovën”/ Topi zbulon çfarë i kërkoi Tadiç asokohe

21 Dhjetor 2021, 21:04, Politikë CNA

Teksa komentoi procesin e ?Ballkanit të Hapur?, ku sot u mbajt samiti i radhës në Tiranë mes tre krerëve të shteteve, ish-presidenti Bamir Topi kujton planet e hershme të Serbisë.

I ftuar në studion e?Log? me Endri Xhafon në ABC, Topi tha se gjatë periudhës kur mbante detyrën e Presidentit, ai ka marrë propozime nga Boris Tadiç, ku ky i fundit i ka kërkuar që të thellonin bashkëpunimin dhe në axhendë të përfshihej edhe Kosova.

 ?Gjatë periudhës kur kam qenë në Presidencë ka pasur takime intensive midis lidershipit politik në Ballkan. Kemi biseduar, në atë kohë në Serbi ishte Boris Tadiç. Më shumë se njëherë më ka kërkuar që ne të thellonim bashkëpunimin, ku në axhendë të trajtohej edhe Kosova. 

Dhe politika shqiptare ka qenë e formatuar gati në unison duke dhënë një përgjigje, si unë, si kryeministri edhe kryetarja e parlamentit. Në momentin kur Kosova ka strukturat veta atëherë i gjithë ky komunikim, nuk ka pse të mbahet për Kosovën nga Shqipëria. Dhe ajo që nuk ndodhi atëherë po ndodh tani. 

Unë nuk besoj se marrëdhënia mes Shqipërisë dhe Kosovës realizohet në konferenca për shtyp. Janë marrëdhënie organike.  Pas shpalljes së pavarësisë së Kosovës faktori shqiptar në rajon konsiderohej mjaft solid. 

Nuk ishte forcimi i arsenalit luftarak, por atij politik. Ishte forcimi i një komunikimi në sinkron. Të vendosësh në këtë lloj raporti ato ekonomike duke injoruar ato politike mendoj se është bërë një dëm jo pak i vogël për Kosovën?, tha Topi./CNA.al





Lajmet e fundit nga