web counter
LEXO PA REKLAMA!

SHKARKO APP

App Store
Google Play

E fundit!

x

“Premtimin e parë e mbajtëm”/ Vokshi thirrje shqiptarëve: Të bëhemi bashkë në mbrojtje të çështjes kombëtare

20 Dhjetor 2021, 16:18, Politikë CNA

Deputetja e PD, Albana Vokshi në protestën kundër paktit anti-kombëtar Rama-Vuçiç, është shprehur se, PD e Rithemelimit po mban premtimin e parë duke treguar se është opozita e gjallë dhe jo ajo e gjumit letargjik në mbrojtjen e çështjes së shqiptarëve.

Vokshi ka deklaruar se kjo është protesta e parë e organizuar nga një parti politike dedikuar një çështjeje kombëtare.

Ajo iu ka bërë thirrje të gjithë shqiptarëve të bëhen bashkë dhe të mos lënë që gjaku i atyre që kanë luftuar për Atdheun të shkojë dëm.

?Kjo është dëshmia e parë dhe premtimi i parë që do të tregojë se PD e Rithemelimit, është e gjallë dhe jo e gjumit letargjik por opozitë e mbrojtjes së çështjes së shqiptarëve.

Ne jemi një dhe askush nuk mund të na ndalë të bëjmë këtë bashkim me Kosovën. Është protesta e parë e organizuar nga një parti politike dedikuar një çështje kombëtare. Kosova është toka e gjyshërve të mi. Unë jam me orgjinën nga Gjakova dhe nga Peja. Rrjedh nga familje patriotike që kanë lënë gjurmë në historinë popullit shqiptar.

Kosova është e pavaruar por atë sot po e lufton Vuçiç, ndaj jam në protestë që gjaku i gjyshit tim dhe burrave të tjerë të kombit tim të mos shkojë dëm. Rama në vend që te jetë këtu me shqiptarët është me Vuçiç.

Le të bëhemi bashkë të gjithë shqiptarët në mbrojtje të çështjes kombëtare. Jam e lumturuar që sot opozita është e gjallë?, ka thënë Albana Vokshi./ A.E-CNA.al





Lajmet e fundit nga