web counter
LEXO PA REKLAMA!

SHKARKO APP

App Store
Google Play

E fundit!

x

Video-“Kamikaz”/ Gazetari nxjerr nga studio këshilltarin ligjor të PD-së

16 Dhjetor 2021, 11:26, Politikë CNA

Një incident ka ndodhur dje në emisionin ?Top Talk? të gazetarit Denis Dyrnjaja. Gazetari  ka replikuar me këshilltarin  ligjor të Partisë Demokratike Marash Logu.

Gjithçka ka ndodhur, pasi Logu është ankuar për kohën televizive dhe gazetari Dyrnjaja, e ka quajtur kamikaz.

Emisioni është mbyllur me largimin e Logut nga studio pasi ia kërkoi Dyrnjana disa herë me radhë.

Më poshtë po sjellim të gjithë debatin e zhvilluar në studio.

 Marash Logu: Zoti Dyrnjaja, ju lutem unë kam 10 minuta që jam në studion tuaj, nëse nuk doni që të zhvilloj një bisedë me ju më thoni pasi dhe unë kam punët e mia. Unë duhet të them mendimin tim, për shkak se unë bëra një parantezë dhe për shkak të kësaj doni të çensuroni të gjithë fjalën time ju lutem shumë..

 Denis Dyrnjaja: Mos u kompleksoni, mos u kompleksoni nga kjo gjë.

 Marash Logu: Nuk po kompleksohem për asgjë, më respektoni për prezencën dhe për atë që përfaqësoj.

 Denis Dyrnjaja: Kur të jap fjalën, më lejo ta moderoj.

 Marash Logu: Po pra me respekt për të ftuarit, ndjesë që po ta them këtë se jeni

gazetar me eksperiencë.

 Dyrnjaja: Mua me thënë të drejtën më ndodh në herën e parë pas 4 vitesh në këtë eksperiencë që të më vijë një kamikaz dhe të më bëjë një gjë ndryshe në televizion. Për respekt të etikës televizive të mos e vazhdojmë më.

 Logu: Të ftuarit vijnë, kundërshtojnë po jo ti quani kamikaz. Dhe unë mund t?ju them kamikaz i medias, çfarë do të thotë kjo, e para kërko falje se është ofendim ti thuash dikujt kamikaz

 Dyrnjaja: Unë nuk do të kërkoj falje për këtë rast.

 Logu: Ti nuk mund të më censurosh fjalën time zotëri, nëse nuk është me interes dakord..

Dyrnjaja: Uljani zërin zotërisë, të lutem mund të largohesh nga studio, të lutem mund të coheni nga studio.

Logu: Nuk mund të vini të bëni këtë gjë.

Dyrnjaja: Faleminderit, nesër do të shihemi prapë bashkë./E.S-CNA.al





Lajmet e fundit nga