web counter
LEXO PA REKLAMA!

SHKARKO APP

App Store
Google Play

“Sot prevaloi transparenca”/ Glauk Olldashi: 18 dhjetori i turpshëm, s’duhet të arrinim deri këtu

11 Dhjetor 2021, 15:44, Politikë CNA

Djali i të ndjerit, Sokol Olldashi, Glauk Olldashi ka deklaruar se Kuvendi Kombëtar i PD ishte një Kuvend ku prevaloi transparenca dhe se fjala e sovranit po shfaqet.

Në një dalje për mediat, ai e ka quajtur të turpshëm atë që kryetari i shkarkuar i PD, Basha po përpiqet të bëjë me mbledhjen e pseudo-Kuvendit të 18 dhjetorit.

?Ishte një Kuvend ku mbi të gjitha transparenca prevalonte dhe besoj se nuk ka nevojë për fjalë se aty çdo gjë shihej me sy. Aprovimet e anëtarësisë nen për nen nuk bëhen me votim të fshehtë se është fizikisht e pamundur, pra votimi me ngritje dore është mënyra e vetme që mund të bëhet. Gojët e liga do të flasin gjithmonë.

Vendimin e merr Këshilli Kombëtarë dhe anëtarësi, duke qenë se jemi ende në numërim, nuk mund t?i themi vendim se është duke u numëruar, fjala e sovranit do të na tregojë.

Referendumi është referendumi i të gjithë anëtarësisë. Ai Kuvendi nëse do ishte siç u thirr në fillim me kërkesë të kryetarit do ishte në rregull, por ai Kuvend degradoi në një Kuvend ku elementë të caktuar kapnin lloj e soj dhe i thonin firmos.

E turpshme, jo vetëm ata, por për të gjithë demokratët, nuk duhej arritur deri në këtë pikë. Secili që mendon veten të aftë për ta ushtruar funksionin e kryetarit të PD është i lirë të kandidojë, në fund të ditës vota është ajo që vendos çdo gjë?, tha Olldashi./CNA.al





Lajmet e fundit nga