E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Berisha i shpall “luftë” Soros/ Zbulon misionin e demokratëve

11 Dhjetor 2021, 12:30, Politikë CNA

Ish-kryeministri Sali Berisha ka folur me tone mjaft të forta sot në stadiumin ?Air Albania?, ku dhe po mbahet Kuvendi i Jashtëzakonshëm Kombëtar i Partisë Demokratike.

Berisha ka theksuar se misioni i demokratëve është të rrëzojë narkoshtetin, sikurse i referohet ai qeverisë së kryeministrit Edi Rama, si dhe të ngrejë PD në piedestalin që e meriton.

Po ashtu Berisha, ka thënë se PD do të luftojë mafian dhe armikun e shqiptarëve, sikurse e cilesoi ai, multimilarderin Geroge Soros.

?Do rivendosim në shoqëri vlerat më të mëdha të çmuara, lirinë dhe të drejtat e individit, dinjitetin njerëzor, ekonominë e tregut, pronën, qeverisjen. Taksat e ulëta, rritja e pagave dhe penisoneve, do ketë në qendër shtetin ligjor.

Kjo është thirrja juaj sot nga ky tubim i jazhtëzakonshëm, nga ky Kuvend i pashembullt në histori. Ky Kuvend sjell si forcë politike të inetersit kombëtar që sot vuan më shumë se kurdoherë tjetër që nga diktatura. Më lejoni sot në emër tuaj të përulem me mirënjohje të pakufijshme ndaj studentëve liberatorë të dhjetorit të ?90 që u ngritën si luanë të vërtetë.

Studentët me vullnetin e tyre të hekurt. Studentët gjunjëzuan diktaturën, themeluan PD të atyre vlerave që ne sot rivendosim përëri në themelet e saj. Më lejoni të përshëndes të gjtihë ata që themeluan PD, që përmbysën diktaturën në Shqipëri.

Ata hodhën në Shqipëri themelet e rendit demokratik. Të cilët në lëkurën e regjimit komunist, në vitin ?97 qëndruan të pamposhtur, u përballën me rebelimin dhe frymën e bashkimit, me programin, me hapjen e saj. PD u kthye në pushtet. Kuvendi ynë, sot është ngjarja histroike për ata që na shohin kudo në botë sepse mblidhet si kuvend shpëtimtar i vlerave të mëdha që ne ndajmë me ta.

Ai mblidhet si Kuvend i vendosur të rrëzojë narkoshtetin, i vendosur të ringrejë PD si parti konervatore në piedestalin që meriton.

Për të rrëzuar narkoshtetin dhe për të luftuar mafian dhe armikun e shqiptarëve, multimliarderin George Soros?-tha Berisha./CNA.al