web counter
LEXO PA REKLAMA!

SHKARKO APP

App Store
Google Play

E fundit!

x

Ofendimet në Kuvend/ Balluku: Na thanë se ishim harem, janë përdorur fjalë të tmerrshme

15 Nëntor 2021, 13:50, Politikë CNA

Ministrja e Infrastrukturës dhe Energjitikës, Belinda Balluku gjatë fjalës së saj sot në Kuvend, ndër të tjera është ndalur edhe tek replikat Rama-Basha, ku ky i fundit akuzoi kryeministrin se ka fyer zonjat deputete të PD-së.

Ministrja Balluku theksoi se ajo nuk bën diferencë mes zonjave e zotërinjve të Kuvendit, ndërsa shtoi se ndodhet në Kuvend, për të bërë detyrën.

Po ashtu ajo i kujtoi deputetëve të PD, se në momentin që është betuar Qeveria, për zonjat ministre është arritur deri aty sa të thuhet se ?janë harem?.

?Do të ndalesha pak te debati i mëngjesit. Unë nuk bëj pjesë te ata që mendojnë se bëhet një diferencë mes zonjave dhe zotërinjve në Parlament. Ne kemi ardhur të bëjmë detyrat, nuk prekem fare te kjo pjesë.

T?ju kujtoj, asnjëra nga zonjat këtu nuk reagoi në seancën e parë kur kryetari juaj na u drejtua me gisht duke thënë se ishim kukulla që jemi sjellë nga kriminelët, më keq se kaq.

Dhe po të thuhet për një mashkull është problem se kemi fëmijë në shtëpi, pleq, prindër që i dëgjojnë. Duhet të biem dakord që të mos thuhen këto.

Deputetët tuaj, kur i krijua qeveria dolën në ekrane, ju e dini shumë mirë se dolën dhe kërkuan falje publike por dëmi bëhet, se thanë se ishim harem.

Mos ti ngeli hatri askujt, janë përdor shprehje dhe fjalë të tmerrshme, harxhojmë dhe kohë duke u marrë me këto dhe jo me punën.?-tha Balluku./CNA.al





Lajmet e fundit nga