LEXO PA REKLAMA!

SHKARKO APP

Zv.ministri i Energjitikës: Për të paktën 3-4 vite nuk do të ketë rritje të çmimit të energjisë

26 Tetor 2021, 17:48, Aktualitet CNA
Zv.ministri i Energjitikës: Për të paktën 3-4 vite nuk do

Për të paktën 3-4 vite, shqiptarët nuk do të njohin një rritje të çmimit të energjisë elektrike, përtej krizës globale.

Kështu ka deklaruar zv.ministri i Energjitikës, Ilir Bejtja në studion e Report Tv.

Ai tha se qytetarët nuk do të preken nga kjo krizë as familjet dhe as biznesi i vogël.

“Të jenë të sigurt të gjithë ata që janë biznes i vogël të lidhura me tension të ulët dhe qytetarët,  që në një të afërme të afërt, nuk do jenë subjekt i ndryshimit të tarifave, e kam fjalën për 3-4 vjet, nuk kemi ndryshime të tilla, Shqipëria do të përdorë të gjitha potencialet energjetike, që të marrin energjinë me çmimin që kanë pasur”, tha ai.  

Një përgjigje e ka pasur për të gjithë opozitën, të cilët njëzëri e quajnë krizën energjetike si krizë menaxhimi, e ndërsa tha se rasti i ikjes së dritave në Komision, tha se nuk është aspak çudi pasi mund të ketë defekte në kabinë, por që sipas tij, u rikuperua menjëherë.

“Mund të ndodh, një defekt, një masë, një shkëndijë elektrike, nuk pretendojmë që nuk ikin dritat, por të mos kemi zgjatje që njerëzve mund të shkaktojnë dëme, se jemi në pandemi, njerëzit marrin oksigjen dhe mund të rrezikojmë jetë njerëzish. Janë të pabaza, e kemi menaxhuar situatën, edhe ndërhyrja e emergjencës ka qenë perfekte, dhe nuk kemi ndikuar në bilancin energjetik të qytetarët”, përfundoi zv.ministri./CNA.al

Lajmet e fundit nga