LEXO PA REKLAMA!

SHKARKO APP

Tragjedi në ishullin grek/ Përmbytet anija me 27 emigrantë, 4 të vdekur e një i zhdukur

26 Tetor 2021, 11:14, Aktualitet CNA
Tragjedi në ishullin grek/ Përmbytet anija me 27 emigrantë, 4

Katër persona kanë humbur jetën pas përmbytjes së anijes me emigrantë në ishullin Kios në Greqi, ku mes 4 viktimave, dy prej tyre ishin fëmijë të moshës 4 dhe 10-vjeç.

Mësohet se anija është përmbytur ndërsa emigrantët po përpiqeshin të kalonin ngushticën e Kios-Cesme dhe të kalonin në brigjet e Ishullit. Pasagjerët nga ana tjetër raportojnë se në anije ndodheshin 27 persona, 22 prej të cilëve janë shpëtuar dhe një tjetër rezulton i humbur. Një anije misioni e NATO-s, dy helikopterë dhe shumë forca të tjerë morën pjesë në operacionin për shpëtimin e tyre.

Ministri grek  i Emigracionit, Notis Mitarakis nëpërmjet një postimi në Twitter, i ka bërë thirrje autoriteteve turke që të marrin masa, në mënyrë që të tilla tragjedi të mos vijojnë të përsëriten.

“Autoritetet turke duhet të bëjnë më shumë për të parandaluar shfrytëzimin dhe bandat kriminale. Këto lëvizje nuk duhet të ndodhin më kurrë?, ka shkruar ai./CNA.al

Lajmet e fundit nga