web counter
LEXO PA REKLAMA!

SHKARKO APP

App Store
Google Play

E fundit!

x

Komision për të justifikuar humbjen/ PD vijon teatrin

22 Tetor 2021, 08:26, Politikë CNA

Partia Demokratike duket se do të vijojë teatrin, me të ashtuquajtorin Komision Hetimor për zgjedhjet e 25 prillit 2021, për të cilat pretendon si ishin “masakër zgjedhore”.

Një ditë më parë, mbledhja e Komisionit Hetimor të zgjedhjeve përplasi sërish Partinë Demokratike dhe Partinë Socialiste, pasi nuk u plotësua kuorumi i nevojshëm për ta zhvilluar atë.

Për këtë debat, palët kanë pretendime të ndryshme, ku sipas kryetarit të Komisionit, Enkeled Alibeaj, socialistët e kanë bojkotuar mbledhjen pasi nuk duan të dalë e vërteta për vjedhjen e zgjedhjeve të 25 prillit.

Partia Socialiste hodhi poshtë pretendimet e opozitës, duke thënë se nuk u paraqitën në mbledhje pasi nuk ishin njoftuar 24 orë përpara nga kryetari.

Sipas nënkryetarit të Komisionit, Toni Gogu, në mbledhjen e kaluar që u zhvillua dy ditë më parë nuk u votua që Komisioni të mblidhej ditën e sotme, por PS kishte propozuar për mbledhje ditën e enjte.

Por, mesa duket teatri ka vijuar edhe në mbledhjen e sotme, e cila ka filluar sërish me debate për orarin, dhe nuk futen direkt në temë, për atë çfarë edhe është kërkuar krijimi i një Komisioni Hetimor.

Bëhen debate të tipit, jo erdhe jo nuk erdhe, shtyjnë ditët dhe teatri vijon thjeshtë për të justifikuar humbjen e zgjedhjeve.

Kreu i Komisionit Enkelejd Alibeaj, ka prezantuar rendin e ditës së sotme, ndërsa u shpreh se ky takim është vazhdim i ezaurimit të mbledhjes së parë, për të diskutuar për shqyrtimin e miratimit të rregullores si edhe zgjedhja e sekretarit.

Nënkryetari i Komisionit Parlamentar, Toni Gogu kërkoi që të miratohet në parim rregullorja dhe të votohet rendi i ditës, kërkesë e cila u kundërshtua.

Bardhi: Nuk votohet rendi i ditës në Komision.

Bylykbashi: Një kërkesë e tillë është pa vend, aq më tepër edhe përcaktimi i mbledhjes së Komisionit.

Bushka: Nuk po bëjmë një kërkesë për të hedhur në votim rendin e ditës, por duke qenë se këtu nuk është respektuar këshillimi mes kryetarit dhe nënkryetarit, për ta vënë në shina në përputhje me rregulloren ligjore. Për ne nuk ka problem.

Alibeaj: Rendi i ditës është vazhdim i ezaurimit të mbledhjes së parë. Rendi i ditës kishte 7 pika, nga të cilat kemi ezauruar 4 të parat dhe kanë mbetur edhe 3 të fundit.

Ndërsa deputeti i PD-së Ervin Salianji, tha se disa prej propozimeve cenojnë veprimtarinë e Komisionit pasi bien ndesh me ligjin.

?Siç u dakordësuam me kërkesën e parë të PS, ne duhet të vinim me një produkt të përcaktuar në lidhje me ndryshimet e propozuara. Ka pasur disa propozime që bien ndesh me etikën?, tha ai./CNA.al





Lajmet e fundit nga