web counter
LEXO PA REKLAMA!

SHKARKO APP

App Store
Google Play

“Po na varrosni për së gjalli”/ Qytetarët i reagojnë Ramës për çmimet dhe papunësinë

22 Tetor 2021, 07:38, Politikë CNA

Kryeministri Edi Rama, kur mori mandatin e tretë, premtoi transparencë dhe komunikim, në një kohë që bën të kundërtën.

Transparencë jo e jo, komunikimin me qytetarë me pikatore, saqë fshin edhe komentet në rrjete sociale.

Realiteti që ia përplasin qytetarët në fytyrë, duket se është i papranueshëm për Ramën.

Mëngjesin e sotëm ai ka vijuar më ritin e tij në rrjete sociale, duke postuar pamje nga Parku Kombëtar Arkeologjik Bylisit.

?Mirëmëngjes dhe me Parkun Kombëtar Arkeologjik të Bylisit, një pasuri e jashtëzakonshme, dëshmi e një kulture të pasur në trojet tona, i vetmi në Shqipëri me një sipërfaqe prej 1000 m2, ka tërhequr vëmendjen e studiuesve të huaj nga Qendra Kombëtare për Studime Shkencore, CNRS, Universiteti Sorbonës-Paris IV, ku së bashku me Institutin Kombëtar të Trashëgimisë Kulturore kanë zhvilluar misionin studimor-shkencor “Korpusi i Mozaikëve”, për inventarizimin, studimin dhe konservimin e mozaikëve, ju uroj një ditë të mbarë?, shkruan Rama në rrjete sociale.

Qytetarët e duan dhe e vlerësojnë të bukurën dhe trashëgiminë, por nuk lënë pas edhe realitetin në të cilin jetojnë, i cili nuk është në sinkron me ato çfarë deklaron kryeministri herë pas here.

?Lëre parkun ti shih çmimet e ushqimeve në qiell papunësia..pensionet të ulta. Çfarë lidhje ka parku..në fillim ka shumë gjëra për të rregulluar…3 mandate

O Shoku kryeministër po kultura e atyre zyrtarëve që na heqin nga puna për të punësuar miqtë e tyre. Ça multiresistenti është?

Po na varrosni për së gjalli. Ju që po na vrisni ju marroftë zoti?, shkruajnë qytetarët në rrjetin social të kryeministrit.

Dy prej këtyre komenteve janë fshirë, duke tentuar kështu që të mohoet kriza ekonomike, rritja e çmimeve, varfëria apo papunësia./CNA.al





Lajmet e fundit nga