web counter
LEXO PA REKLAMA!

SHKARKO APP

App Store
Google Play

'Preu në besë' demokratët/ Xhelal Mziu shfajsohet për mungesën në Foltoren e Berishës

21 Tetor 2021, 19:35, Politikë CNA

Ish-kryeministri Sali Berisha ishte dy ditë më parë në Dibër, ku ka zhvilluar foltoren e dhjetë.

Demokratët i rezëeruan një pritje madhështore liderit historik, ndërsa mes figurave të njohur të PD, u vu re mungesa e deputetit të këtij qarku Xhelal Mziu.

Mungesa e tij u shoqërua dhe me komente të shumta në rrjetet sociale, ku simpatizantët e PD e kanë ?masakruar?.

I ftuar sonte në Fax news, Mziu është shfajsuar për mungesën e tij ku tha se nuk ka marrë asnjë urdhër nga Lulzim Basha për të mos marrë pjesë në Foltore, por ka qenë vendim i tij personal për të shmangur ndarjen në kampe të demokratëve.

I pyetur a e ka prerë në besë Berishën, Xhelal Mziu deklaroi se kjo nuk është e vertetë, pasi ai e konsideron Berishën me kontribute të jashtëzakonshme por ky vendim ishte në të mirë në PD-së.

?As nuk jam orientuar nga partia dhe as nuk jam qortuar. Është bindje e imja e brendshme. Në disa takime që kemi bërë, ne kemi thënë që në këto kushte duhet të përdorim autoritetin tonë për të mos krijuar kampe. Ne na intereson që PD të dalë nga kjo situatë më e madhe se sot.  Unë kam qenë aktor kryesor në 8 vitet e qeverisjes së PD-së. Berisha ngelet person i pazëvendesueshëm. Nuk e heq konsideraten personale që kam për Berishën.

 Unë jam një person që përballem dhe asnjëherë nuk tërhiqem. Në këtë raund të liderit historik të PD-së që ka ndërmarrë në Shqipëri është një pjesë e PD-së. Unë nuk tradhëtoj PD-në. Unë gjykoj që pjesa përfaqësuese e PD-së nuk duhet në këto momente të nxisë konflikte të brendshme që mund të kthehen në bumerang. Unë nuk kam shkuar atje sepse jam i bindur. Nëse bëhen foltore të tjera unë nuk do të marr pjesë për të mos renditur në kampe të ndryshme?, tha Mziu./CNA.al

Nuk mori pjesë në ?Foltoren? e Berishës/ Demokratët ?masakrojnë? Xhelal Mziun: Bukëshkelur





Lajmet e fundit nga