web counter
LEXO PA REKLAMA!

SHKARKO APP

App Store
Google Play

"PD në krizë të thellë lidershipi"/ Ristani: Basha një varrhimës dhe shkatërrues i partisë

7 Tetor 2021, 18:43, Politikë CNA

Ish-sekretari i Përgjithshëm i PD, Arben Ristani është shprehur se, kryetari i PD, Lulzim Basha nuk e bën dot detyrën e lidershipit pasi PD është në krizë të thellë.

Në emisionin ?Debat? në A2 CNN, Ristani thekson se PD është në krizë nga sjellja e Bashës, një autokrat varrhimës i kushtetutës së PD dhe shkatërruesi i partisë.

?Duke u nisur nga Topalli dhe Ceka, po të shikoni është meraku i përbashkët për një opozitë të fortë dhe alternativë të pushtetit. Të dy bashkë ndajnë mendimin se Basha nuk e bën dot atë detyrë, sa ngjan me atë kolltukofagun e Nolit. PD është në krizë të thellë të lidershipit shkaktuar nga sjellja e Bashës një autokrat varrmihës i kushtetutës së PD dhe shkatërrues i partisë. Çështja është beteja mes shenjave autokrate dhe nevojave për demokraci?, ka thënë Ristani.

Më tej, duke krahasuar Berishën me Bashën, Ristani shprehet se Berisha ka sjellë fitore dhe një sërë arritjesh në PD, ndërsa Basha ka ndërthurur autokracinë dhe shitjen e interesave në PD.

?Berisha ka qenë kryetar i fortë në krye të PD dhe me shenja autokratike, por e ka çuar PD në në fitore dhe një sërë arritjesh në drejtimin e qeverive të Berishës, ndërsa për Bashën kjo është e ndërthurur me autokracinë dhe shitjen e interesave të PD-së te kundërshtari politik dhe një sërë fenomenesh të dënueshme. Ndryshojnë totalisht se kishte kuptim fjala e dhënë dhe besimi të ndjekësit me Bashën nuk ka kuptim besimi, vetëm besim nuk ngjall dhe krahasimi është i pavlefshëm?, është shprehur Ristani./ CNA.al





Lajmet e fundit nga