E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

"Nuk kemi bashkërendim pozitiv"/ Duka: Duhet një reformë territoriale dhe një Kod i ri zgjedhor

5 Tetor 2021, 18:32, Politikë CNA

Kreu i Partisë Agrare Ambientaliste, Agron Duka, ka reaguar në lidhje me kërkesën e kreut të PD, Lulzim Basha për ngritjen e komisioneve hetimore.

Duka është shprehur se këtë vendim e kanë marrë vesh përmes medias dhe theksoi se do të ishte më e udhës që opozita të mblidhej për të bashkërenduar qëndrimet e saj.

I ftuar në ?Radarin Informativ?, Duka nënvizon se pa u sqaruar poli kryesor i PD nuk do të jetë i mundur bashkërendimi i opozitës.

?Nuk kemi bashkërendim pozitiv. Edhe në ato pak seanca që kemi bërë vendimet që kemi marrë i kemi marrë individuale. Për komisionet e PD i marrim vesh në media. Nuk kemi pasur bashkërendim. Do ishte më mirë të kishte një tryezë për të dalë me vendime të përbashkëta. Basha pas deklaratës së Ramës, del dhe jep zgjidhjen e krizës me 7 pika, ndërsa Berisha thotë kjo nuk zgjidhet me 7 pika. Fatkeqësisht që nuk do jetë kohë shumë e shkurtër për zgjidhjen e këtij problem. Pasi të sqarohet poli kryesor në PD do jetë më e mundur bashkërendimi i krahëve të opozitës?, shtoi Duka.

Ndërsa përsa i përket propozimit të PS për një reformë të re territoriale, Duka tregon se është dakord, por me kushtin që ajo të hartohet me pjesëmarrjen e të gjitha forcave politike si dhe një kod të ri zgjedhor.

?Jam dakord. Kam qenë kundra me qëndrimet e PD dhe Bashës për këto që kanë ndodhur. Opozita nuk mori pjesë në ndarjen territoriale. Opozita dogji mandatet, nuk hyri në zgjedhje. Ato që shtrohen sot i kemi shtruar me kohë. Duhet një reformë territoriale ku të marrin pjesë të gjitha forcat politike dhe një kod i ri zgjedhor. Unë mund të flas në përgjithësi. E kam shprehur që në fillim që ndarja në 61 bashki kaq të mëdha ishte kalim në një ngërç. Edhe si eksperiencë, qe negative sepse u përqendrua menaxhimi i kryetarëve të bashkive në qytetet e vjetra ndërsa skajet u lanë në harresë.

Në Durrës, nuk është menaxhuar mirë Ishmi në krahasim me zonën e plazhit apo qendrën e Durrësit. Edhe plehrat u dërguan në Ishëm. Duhet të ishte bërë një ndarje më e studiuar. Debat që të bëhet reforma territoriale nuk besoj të ketë. Debatet për variantin do ketë. Një komision që duhet disa muaj për të mbaruar punë. Unë besoj se gjendet gjuha e përbashkët por sidoqoftë reforma me të gjitha forcat është më e mirë se ajo që mund të bëhet nga një forcë e vetme politike?, është shprehur Duka./ CNA.al