web counter
LEXO PA REKLAMA!

SHKARKO APP

App Store
Google Play

E fundit!

x

U vra në krye të detyrës me një plumb në zemër/ Homazhe në nder të nënkomisarit Saimir Hoxha

29 Shtator 2021, 07:17, Aktualitet CNA

Efektivi i  policisë, Saimir Hoxha, një ditë më parë mbeti i vrarë me armë zjarri, në Ishull Lezhë.

Në orën 10.30 të së martës oficeri i Krimeve në Komisariatin e Policisë Lezhë, u gjet përballë plumbave në rrethana ende të pazbardhura plotësisht.

Pasi deri më tani dinamikat e raportuara kanë qenë kontradiktore.

Efektivi 44-vjeçar, baba i dy fëmijëve, mori një plumb në zemër dhe ndërroi jetë gjatë rrugës për në spitalin Rajonal Lezhë.

Sot në nder të oficerit të Policisë të vrarë në krye të detyrës do të mbahen homazhe në  Pallatin e Kongreseve, nga ora 12:00 deri në o.rën 15:00.

Kush ishte Saimir Hoxha

Ashtu siç ka paralajmëruar një ditë më parë Ministri i Brendshëm, nënkomisari Saimir Hoxha  do të shpallet dëshmor i atdheut dhe trupi i tij do të prehet në varrezat e dëshmorëve.

Hoxha kishte prej afro 15 vitesh ishte pjesë e radhëve të policisë së shtetit, ndërsa së fundi ishte emëruar oficer i krimeve në Lezhë.

Ai ishte me orgjinë nga Puka, dhe banonte në Tiranë së bashku me familjen e tij, baba i dy fëmijëve të mitur./CNA.al





Lajmet e fundit nga