web counter
LEXO PA REKLAMA!

SHKARKO APP

App Store
Google Play

Rama flet për situatën në veri të Kosovës/ "Trupat speciale të zëvendësohen me ata në tavolinë"

27 Shtator 2021, 16:25, Politikë CNA

Në takimin e zhvilluar me studentët e Universitetit të Prishtinës, kryeministri Edi Rama ka reaguar në lidhje me situatën në veri të Kosovës.

Rama është shprehur se Kosova ka të drejtë pasi çështja e targave është e drejtë e çdo vendi dhe është shqyrtuar më parë në marrëveshje të mëparshme.

Gjithashtu thotë se trupat speciale në kufi duhet të zëvendësohen me dialog mes tyre.

?Përsa i përket çështjes aktuale në Veri të Kosovës, kjo është shumë e qartë, Kosova ka të drejtë, çështja e targave është e drejtë e çdo vendi dhe është shqyrtuar më parë, në marrëveshje të mëparshme.

Serbia pretendon se këtu po kërcënohen qytetarë e serbë të Kosovës, por këtu është shumë e qartë që nuk po kërcënohen dhe asgjë, por janë nga më të përkëdhelurit dhe e bën Kosovën një shembull për mënyrën si duhet trajtuar një pakicë. Edhe pse unë nuk e kuptoj se si mund tu paguhen edhe faturat e dritave. Ata janë pengje të një dialogu që ka mbetur rrugëve. Manovrat teatrale mund të sugjestionojë publikun serb që mbase ka nevojë të ushqehet me idenë që kanë mjete për të mbrojtur vëllezërit që nuk kërcënohen nga asgjë, apo njerëz që në Facebook, shikojnë vetëm luftë. Kosova e ka fituar luftën, kur ju që jeni këtu s?kishit lindur akoma, si mudn të vazhdojë po njësoj, si mund të jetohet me luftën ndërkohë që këtu bëhet fjalë për të jetuar me një paqe të qëndrueshme. Njohja e Kosovës është kapitulli final. Ajo që më shqetëson është që të mos ndodhë siç ndodhi me tarifën sepse çuarja e forcave speciale për tu siguruar që nuk ndodh diçka lënduese për njerëzit, por mbatja aty për një kohë të gjatë do të ishte boomerang. Kur u vu tarifa, isha dakort dhe e mbështeta sepse ishin shkruar letra e letra në Bruksel, u desh tarifa. Trupat speciale të zëvendësohen me ata në tavolinë“, tha Rama./ CNA.al





Lajmet e fundit nga