web counter
LEXO PA REKLAMA!

SHKARKO APP

App Store
Google Play

“Do rikthejmë gjymtimet, janë të domosdoshëm!”/ Paralajmërimi i frikshëm i talebanëve

25 Shtator 2021, 07:52, Kosova & Bota CNA

Rikthimi i regjimit taleban, ka ngjallur edhe frikën e rikthimit të praktikave që shkaktuan indinjatën e opinionit publik ndërkombëtar para ndërhyrjes amerikane  në Afganistan, në 2003.

Një nga këto janë gjymtimet si pjesë e dënimeve për vepra të ndryshme kriminale, ose që perceptohen si të tilla nga ?studentët? radikalë.

Një nga anëtarët më të njohur të tyre ndër vite, mullah Noorudin Turabi, në një intervistë ka deklaruar se një rikthim i prerjeve të gjymtyrëve ishte i domosdoshëm edhe pse ndoshta me modalitete të tjera.

Afgani, që para ndërhyrjes amerikane kishte postin e ministrit të Drejtësisë si dhe të ministrit për Përndjekjen e Mëkateve, dhe që tani është përgjegjësi për Burgjet, deklaroi se ?gjymtimet janë të domosdoshme për të garantuar sigurinë e brendshme në vend?, por që ndoshta do të ndodhin brenda burgjeve ose në ambient të mbyllur, dhe jo në sheshe si çdo të premte pas daljes nga xhamitë, siç ishte traditë makabër para vitit 2003.

Ndërkohë, në Kabul dhe në qytetet e tjera kanë filluar masat ndaj disa personave të akuzuar për vjedhje, që shoqërohen në sheshet kryesore të pikturuar me bojë të zezë në fytyrë, dhe me këpucët të futura në gojë. ?Asnjë vend nuk duhet të na tregojë se si duhet të jenë ligjet tona?, shtoi Turabi, i cili përfaqëson pjesën më ekstremiste të talebanëve.





Lajmet e fundit nga