web counter
LEXO PA REKLAMA!

SHKARKO APP

App Store
Google Play

E fundit!

x

Kthesa e pabesë e Lulzim Bashës/ Justifikimi i kreut të PD për “dosjen Berisha”

12 Shtator 2021, 11:33, Politikë CNA

Një ditë para se të mblidhej legjislatura e dhjetë, kreu i PD Lulzim Basha, doli në media, duke njoftuar se kishte larguar nga grupi parlamentar i PD, Sali Berishën.

Sipas gazetarit Adriatik Doçi, trysnia mbi Lulzim Bashën për t?u distancuar nga Berisha ka nisur që pas datës 19 maj 2021, kur Departamenti Amerikan i Shtetit shpalli Berishën dhe Familjen e tij në listën e zezë për korrupsion madhor, pengim të veprimit të drejtësisë dhe minim të demokracisë në Shqipëri.

Në një shkrim, Doçi thotë se ?pas ?bombardimit? amerikan të Familjes Berisha, Lulzim Basha, jo vetëm që nuk dha asnjë shenjë lëkundje për të lëshuar ?babain politik?, por mbështeti publikisht alibinë e Berishës për paraqitjen e provave, mbi të cilat mbështetej vendimi i DASH?.

?Duke nënvizuar qëndrimin e z. Berisha, i cili pasi shpreh keqardhjen për vendimin dhe e konsideron atë pa asnjë bazë konkrete, bëj thirrje për transparencë të plotë mbi çdo fakt e dokument që ka lidhje me këtë vendim?, u shpreh Basha në 19 maj 2021.

Basha, pas marrjes së vendimit personal për Berishën, ju justifikua tek grupi parlamentar se nuk kishte pasur zgjidhje tjetër.

Por, sipas gazetarit Adriatik Doçe, Reeker i ka zbuluar Bashës detaje nga dosja e Berishës, ndërsa i ka dhënë ultimatum për përjashtimin e tij.

?Ai (Philip Reeker) nënvizoi vendosmërinë e Presidentit Biden dhe Sekretarit të Shtetit Blinken se lufta kundër korrupsionit, përfshirë përmes përcaktimeve publike për korrupsion madhor sipas Nenit 7031(c) të Departamentit të Shtetit për Operacionet e Jashtme, dhe Programet Përkatëse të Nenit mbi Përvetësimet 2021, është një interes thelbësor i sigurisë kombëtare për Shtetet e Bashkuara?, thuhej në deklaratën e ambasadës së SHBA.

Në fakt Lulzim Basha ,nuk e dëgjoi askënd as për mandatet as për zgjedhjet lokale, për më tepër Reeker dhe të tjerë ndërkombëtarëve ju mbylli telefonin pa folur per sulmet banale në rrjet me komandën e Bashës.

Por pas takimit me Reeker, Basha ka heshtur ndonëse të gjithë kërkonin dhe prisnin një qëndrim prej tij.

Basha ka heshtur edhe pas takimit të 30 korrikut 2021, kur ambasadorja amerikane në Tiranë, Yuri Kim, zhvilloi një takim me të, duke i kujtuar kërkesën e panegociueshme të Philip Reeker për t?u ndarë nga Berisha.

?Pata një diskutim shumë të mirë dhe të plotë me Kryetarin e PD Lulzim Basha sot. Ishte në vijim të takimit që ai pati kur Zv. Ndihmës Sekretari i Shtetit Philip Reeker ishte në Tiranë?. Do të ishte një ironi historike por edhe një tragjedi për vendin, jo vetëm për partinë, nëse partia do të hante bar për hir të interesave personale të një njeriu?, ka thënë ndër të tjera diplomatja amerikane pas takimit me Bashën.

U deshëm gati më shumë se një muaj pas këtij takimi që Basha të dilte me një qëndrim, që i befasoi të gjithë, pasi ishte një qëndrim i pambështetur në Statutin e PD-së./CNA.al





Lajmet e fundit nga