web counter
LEXO PA REKLAMA!

SHKARKO APP

App Store
Google Play

Gazetari zbulon skandalin/ Kartelet kanë plasur sheshit

7 Shtator 2021, 09:31, Aktualitet CNA

Gazetari Klodian Tomorri ka reaguar në lidhje me paralajmërimin për rritjen e çmimit të bukës, duke e cilësuar atë si një marrëzi.

Në një postim në rrjetet sociale, Tomorri shkruan se paralajmërimi për rritjen e çmimit të bukës me 10 lek, në një vend normal, gjithë shoqata do të përfundonte direkt në burg.

?Shikoni këtë fjalinë se është kryevepra e marrëzisë:

“Anëtarë të Shoqatës të Prodhuesve të Bukës, Patiçerive dhe Brumrave thonë se së shpejti rritja e çmimit të bukës me 10 lekë do të ndodhë në të gjithë tregun.”

Nëse kjo fjali do ishte thënë në ndonjë vend, qoftë edhe gjysmë normal, gjithë shoqata e brumit, byrekëve dhe bakllavasë sot do ishte transferuar tek 313-a.

Këta janë shumë të lezetshem. Mirë që bëjnë rritje të kordinuar te cmimit, por dalin dhe e thonë në media. Dmth këta dalin shpallin kartelin publikisht. Është njësoj sikur të dalësh në televizon dhe të thuash sapo vrava njërin aty matanë.?-shkruan Klodian Tomorri.

Më tej ai thekson se dikush duhet të zgjojë Autoritetin e Konkurencës, pasi sipas tij ?kartelet kanë dalë sheshit?.

?Cfarë është kjo shoqatë që e di se do rritet cmimi me 10 leke në treg? Ku e di këtë? Po sikur njëri prej prodhuesve të mos e rrisë cmimin, cfarë ndodh? Po sikur njeri ta rrisë cmimin me 20 lekë?

Tani, dikush të zgjojë këta dedetë e Autoritetit të Konkurrences se i kanë plasur kartelet sheshit. Po ja thone në surrat që jemi kartel.?-përfundon postimin e tij gazetari Tomorri./CNA.al





Lajmet e fundit nga