LEXO PA REKLAMA!

SHKARKO APP

I shpallur në kërkim ndërkombëtar/ Policia arreston 32-vjeçarin

21 Gusht 2021, 08:58, Kronika CNA
I shpallur në kërkim ndërkombëtar/ Policia arreston

Drejtoria e Policisë Durrës ka njoftuar arrestimin e një 32-vjeçari të shpallur në kërkim ndërkombëtar. Ky shtetas ka rezultuar person në kërkim ndërkombëtar, pasi Gjykata Kundër Krimit të Organizuar dhe Korrupsionit në Maqedoninë e Veriut, e ka dënuar me 4 vjet burgim, për veprën penale “Organizim i paligjshëm i emigracionit”.

?Arrestohet me qëllim ekstradimi drejt Maqedonisë, një 32-vjeçar, i dënuar për veprën penale “Organizim i paligjshëm i emigracionit”, njofton policia.

?Në dalje të Pikës së Kalimit Kufitar në Port, Durrës, shërbimet e Policisë Kufitare si rezultat i masave të shtuara dhe shkëmbimit të informacionit me Interpol Tirana dhe DVP Durrës, kanë ndaluar shtetasin e shpallur në kërkim ndërkombëtar: Mevait Osmani, 32 vjeç, banues në Maqedoninë e Veriut. Ky shtetas ka rezultuar person në kërkim ndërkombëtar, pasi Gjykata Kundër Krimit të Organizuar dhe Korrupsionit në Maqedoninë e Veriut, e ka dënuar me 4 vjet burgim, për veprën penale “Organizim i paligjshëm i emigracionit”, thuhet më tej.

Në përfundim të veprimeve, specialistët për Hetimin e Trafikut të Paligjshëm në DVP Durrës, bënë arrestimin provizor të këtij shtetasi, me qëllim ekstradimin e tij drejt Maqedonisë së Veriut./CNA.al

 

Lajmet e fundit nga