web counter
LEXO PA REKLAMA!

SHKARKO APP

App Store
Google Play

Ngjarja tronditëse në Pogradec/ Nën hetim mjekja: Dyshohet se neglizhoi foshnjen

2 Gusht 2021, 15:25, Kronika CNA

Një ngjarje shokuese është regjistruar në maternitetin e Pogradecit, ku mjekët shpallën të vdekur një foshnje, edhe pse ishte akoma gjallë.

Ngjarja u regjistrua më 24 korrik, ku gruaja me inicialet D. Y., solli në jetë para kohe, foshnjën e saj në maternitetin e Pogradecit, ndërsa në kartelë mjekët e shkruan si abort dhe jo lindje.

Pas lindjes fëmija nuk qau dhe për pasojë stafi mjekësor e konsideruan të vdekur dhe e vendosën në një kuti.

Por, ndërkohë mësohet se pas pak orësh, një nga familjarët ka hyrë në dhomë,n ku mbahej fëmija dhe e ka dëgjuar të qajë.

Menjëherë e kanë nisur në Tiranë por fëmija nuk ka mundur të jetojë.

Babai i foshnjës ka deklaruar në polici të gjithë ngjarjen duke pranuar se foshnja u gjet në një kuti. Ndërsa policia sekuestroi kartelën mjekësore, mori deklarim të mjekes G.SH. e cila ka pranuar që ka qënë abort e më pas ka ndodhur një “mrekulli”, ndërkohë që ditën e sotme është dërguar dosja në prokurorinë e Pogradecit për veprime të mëtejshme.

Ndërkohë, mësohet se Specialistët për Hetimin e Krimeve në Komisariatin e Policisë Pogradec, filluan procedimin penal në gjendje të lirë për shtetasen G. Sh., 51 vjeçe, banuese në Tushemisht, Pogradec (me detyrë mjeke në maternitetin e qytetit të Pogradecit).

Kjo shtetase më datë 24.07.2021, dyshohet se ka neglizhuar në trajtimin e nevojshëm mjekësor pas lindjes, të foshnjës së shtetases D. Y.





Lajmet e fundit nga