web counter
LEXO PA REKLAMA!

SHKARKO APP

App Store
Google Play

Basha riciklon fjalimin/ “Ne luftuam dhe besuam, por votat u blenë nga krimi”

17 Korrik 2021, 09:35, Politikë CNA

Lulzim Basha, kreu i PD me anë të një fjalimi në Kuvendin Kombëtar ka përsëritur të njëjtat deklarata që ka bërë në vijimësi që pas zgjedhjeve të 25 Prillit.

?Masakra më e madhe zgjedhore e shekullit?. Ka qenë kjo kryefjalë e Bashës për të përshkruar zgjedhjet parlamentare.

Më tej ai ka folur për blerje votash, për radhitjen e  Drejtorit të Policisë së ShTetit Ardi Veliu në krah të mazhorancës si dhe për paditë që kanë bërë në SPAK.

?Janë në kujtesën e të gjithëve makinat që endeshin me paratë e drogës dhe korrupsionit. Kemi parë sesi drejtori i Policisë së Shtetit u rreshtua me krimin që blinte vota në Elbasan vetëm pak ditë para zgjedhjeve. Ka përdorur trafikantët e drogës për patronazhistë. Tom Doshin e ktheu në një makineri votblerëse. Taulant Balla doli personi më i votuar në Shqipëri si prova më e zezë e këtij regjimi. Kundër parave për vota, lejeve për të mbjellë hashash për vota. PD doli me kokën lart nga kjo masakër zgjedhore.

Edhe pse 25 prilli nuk kishte lidhje me demokracinë, edhe pse çdo padrejtësi që mund të bëhej, u bë për të penguar ndryshimin, ne dolëm më të fortë dhe më të bashkuar, sepse të gjithë bashkë luftuam me mish dhe me shpirt për të ndezur besimin dhe shpresën e njerëzve se një Shqipëri më e mirë është e mundur. Jo duke përdorur mjetet dhe modelin e Edi Ramës, por duke e përbuzur dhe refuzuar atë”, ka thënë Basha.

Më tej ai ka falënderuar demokratët që i qëndruan përkrah gjatë kësaj kohe, duke thënë se, ?Nuk hoqëm dorë nga vlerat tona dhe njerëzit e ndershëm. Ne luftuam dhe besuam sikur ende besojmë se mund t?i ndryshojmë gjërat në këtë vend pa u bërë më të korruptuar se Edi Rama. Ishim ne që nxorëm në sipërfaqe llumin e këtij regjimi?./CNA.al





Lajmet e fundit nga